દક્ષિણ કોલંબિયાના પુતુમાયો ક્ષેત્રમાં સોમવારે સવારે એક ભયાનક વિમાન દુર્ઘટના ઘટી હતી. કોલમ્બિયન એરફોર્સનું લોકહીડ માર્ટિન હર્ક્યુલસ C-130 ટ્રાન્સપોર્ટ પ્લેન ઇક્વાડોરની સરહદ નજીક પ્યુર્ટો લેગુઇઝામો એરપોર્ટ પરથી ટેકઓફ કરતી વખતે ક્રેશ થયું હતું. સોશિયલ મીડિયા પર વાયરલ થઈ રહેલા વીડિયો ફૂટેજમાં પ્લેનનો કાટમાળ ભારે જ્વાળાઓથી ઘેરાયેલો જોવા મળે છે. જો કે હજુ સુધી સત્તાવાર રીતે મૃતકોની સંખ્યા સ્પષ્ટ કરવામાં આવી નથી.
સંરક્ષણ પ્રધાન પેડ્રો આર્નુલ્ફો સાંચેઝે એક નિવેદનમાં પુષ્ટિ કરી હતી કે વિમાન સશસ્ત્ર દળોના સૈનિકોને લઈ જતું હતું. તેમણે કહ્યું કે પ્લેન પ્યુર્ટો લેગુઇઝામો, પુટુમાયોથી ટેક ઓફ કરવાનો પ્રયાસ કરી રહ્યું હતું ત્યારે તે ક્રેશ થયું. સૈન્ય એકમો ઘટનાસ્થળે પહોંચી ગયા છે, પરંતુ પીડિતોની ચોક્કસ સંખ્યા અને અકસ્માતનું કારણ હજુ સુધી જાણી શકાયું નથી.
80 સૈનિકોના મોતની આશંકા છે
કોલંબિયાના સૈન્યએ સોમવારે જણાવ્યું હતું કે દેશના દક્ષિણ ભાગમાં એક પરિવહન વિમાન ક્રેશ થતાં લગભગ 80 સૈનિકોના મૃત્યુની આશંકા છે. સમાચાર એજન્સી એએફપી અનુસાર, બે પ્લાટૂન (કુલ 80 સૈનિકો)ને લઈને જતું હર્ક્યુલસ વિમાન ઈક્વાડોરની દક્ષિણી સરહદ નજીક પ્યુઅર્ટો લેગુઈઝામોથી ટેકઓફ કરતી વખતે ક્રેશ થયું હતું. સેનાના જણાવ્યા અનુસાર વિમાન ટેકઓફ દરમિયાન ક્રેશ થયું હતું.
પ્રત્યક્ષદર્શીઓના જણાવ્યા અનુસાર, વિમાન ટેકઓફ થયાની થોડી જ મિનિટોમાં ક્રેશ થયું હતું અને આ ઘટના શહેરી વિસ્તારથી માત્ર 3 કિલોમીટર દૂર બની હતી. બચાવ ટુકડીઓ ઘટનાસ્થળે પહોંચી ગઈ છે અને મામલાની તપાસ શરૂ કરી દેવામાં આવી છે. જો કે, અધિકારીઓએ હજુ સુધી મૃત કે ઘાયલોની સત્તાવાર સંખ્યાની પુષ્ટિ કરી નથી.
