Tata Motors Electric Cars: જ્યારે ઘણી કંપનીઓએ નવા વર્ષમાં તેમની કારની કિંમતોમાં વધારો કર્યો છે, ત્યારે Tataએ તેની બે સૌથી વધુ વેચાતી EV કારની કિંમતમાં મોટો ઘટાડો જાહેર કર્યો છે. ટાટા દ્વારા જે કારની કિંમતોમાં ઘટાડો કરવામાં આવ્યો છે તેમાં Nexon EV અને Tiago EVનો સમાવેશ થાય છે. કંપનીએ એક કારમાં 1 લાખ રૂપિયા અને બીજી કારમાં 50 હજાર રૂપિયાથી વધુનો ઘટાડો કર્યો છે. કંપનીએ તેનું કારણ પણ આપ્યું છે.
કાર લાખો રૂપિયા સસ્તી થઈ
ટાટાની નેક્સોન તેની સૌથી વધુ વેચાતી કારમાંથી એક છે. તેવી જ રીતે, Tiago EV પણ કંપનીની સૌથી વધુ વેચાતી કાર રહી છે. જ્યાં કંપનીએ TATA Nexon EVની કિંમતોમાં 1.20 લાખ રૂપિયાનો ઘટાડો કર્યો છે. આ કિંમત ઘટાડા પછી, TATA Nexon EV ના બેઝ મોડલની કિંમત હવે 14.99 લાખ રૂપિયા થઈ ગઈ છે. જ્યારે તેનું લોંગ રેન્જ વર્ઝન 16.99 લાખ રૂપિયામાં ખરીદી શકાય છે.
ટાટા ઇલેક્ટ્રિક કારનું વેચાણ વધારવા માંગે છે
તેવી જ રીતે Tiago EVની કિંમતમાં 70 હજાર રૂપિયાનો ઘટાડો કરવામાં આવ્યો છે. આ પછી કારની કિંમત 7.99 લાખ રૂપિયા થઈ ગઈ છે. તેના EV સેગમેન્ટમાં બે કારની કિંમતમાં ઘટાડો કર્યા બાદ ટાટાએ કહ્યું કે તે દેશમાં ઇલેક્ટ્રિક કારના વેચાણમાં વધારો કરવા માંગે છે, તેથી આ પગલું લેવામાં આવ્યું છે.
બેટરીના ભાવ ઘટ્યા બાદ લેવાયો નિર્ણય
આ ઘટાડા અંગે TPEMના ચીફ કોમર્શિયલ ઓફિસર વિવેક શ્રીવત્સે જણાવ્યું હતું કે બેટરીની કિંમત કારની કિંમતનો મોટો ભાગ છે. તેમણે કહ્યું કે તાજેતરના સમયમાં બેટરીના ભાવમાં ઘટાડો થયો છે. આવનારા દિવસોમાં ઘટાડાની શક્યતાને ધ્યાનમાં રાખીને કંપનીએ આ પગલું ભર્યું છે. કંપનીએ આ લાભ તેના ગ્રાહકો સુધી પહોંચાડવાનું નક્કી કર્યું છે. તેમણે એમ પણ કહ્યું કે છેલ્લા કેટલાક વર્ષોમાં ઈલેક્ટ્રિક કારનો પ્રવેશ વધ્યો છે અને અમે તેને વધુ વધારવા માંગીએ છીએ. તેમણે કહ્યું કે અમારું મિશન દરેક ઘર સુધી EV પહોંચાડવાનું છે.
આ પણ વાંચોઃ માત્ર 5 વર્ષમાં 10 લાખથી 28 લાખ રૂપિયા! INVESTMENT TIPS નું ગણિત આ રીતે સમજો