28 ફેબ્રુઆરીના રોજ, અમેરિકા અને ઈઝરાયેલે ઈરાન પર અત્યાર સુધીનો સૌથી મોટો હુમલો કર્યો, જેમાં ઈરાનના સર્વોચ્ચ નેતા આયાતુલ્લાહ અલી ખામેની માર્યા ગયા. આ ઓપરેશનમાં ઈરાનના ઘણા વરિષ્ઠ નેતાઓ અને વ્યૂહાત્મક લક્ષ્યોને નિશાન બનાવવામાં આવ્યા હતા. હવે આ હુમલાને લઈને ઘણા મહત્વના ખુલાસા થયા છે. અહેવાલો અનુસાર આ હુમલામાં ઈઝરાયેલે સૌથી ખતરનાક ગણાતી ‘બ્લુ સ્પેરો મિસાઈલ’નો ઉપયોગ કર્યો હતો.
અહેવાલો અનુસાર, આ મિસાઇલ પહેલા પૃથ્વીના વાતાવરણની નજીક જાય છે અને પછી ખૂબ જ તેજ ગતિએ તેના લક્ષ્ય તરફ પરત ફરે છે. આ કારણે, તેને રોકવું ખૂબ મુશ્કેલ માનવામાં આવે છે. આ કારણથી તેને ‘મિસાઇલ ફ્રોમ સ્પેસ’ નામ પણ આપવામાં આવ્યું છે. તેહરાનમાં સૈન્ય નેતૃત્વની એક મહત્વપૂર્ણ બેઠક ચાલી રહી હતી ત્યારે ઈરાને આ મિસાઈલ છોડવાના અહેવાલ છે.
બ્લુ સ્પેરો મિસાઈલ શું છે?
બ્લુ સ્પેરો મિસાઈલ ઈઝરાયેલે જ વિકસાવી છે. આ એક એડવાન્સ્ડ એર લોન્ચ બેલિસ્ટિક મિસાઈલ છે. ધ ટેલિગ્રાફના એક રિપોર્ટ અનુસાર, આ મિસાઈલની સ્ટ્રાઈક રેન્જ લગભગ 1,240 માઈલ એટલે કે લગભગ 2,000 કિલોમીટરની છે. મિસાઈલની લંબાઈ લગભગ 6.5 મીટર છે અને તેનું વજન લગભગ 1.9 ટન છે.
આ મિસાઇલ સામાન્ય રીતે ફાઇટર એરક્રાફ્ટથી છોડવામાં આવે છે અને બેલેસ્ટિક માર્ગ પર આગળ વધે છે. આ પછી તે રી-એન્ટ્રી વ્હીકલ છોડે છે જે અત્યંત ઝડપી ગતિએ લક્ષ્ય પર હુમલો કરે છે. સંરક્ષણ વિશ્લેષકોનું કહેવું છે કે સ્પેરો મિસાઈલ સિસ્ટમના અલગ-અલગ વર્ઝન એવી રીતે વિકસાવવામાં આવ્યા છે કે ફાઈટર એરક્રાફ્ટ બેલેસ્ટિક-શૈલીના શસ્ત્રો દૂરથી લોન્ચ કરી શકે છે. તેનાથી ભારે હવાઈ સંરક્ષણવાળા વિસ્તારોમાં પણ હુમલા કરી શકાય છે અને વિમાનને સીધા જોખમમાં આવવાની જરૂર નથી.
