મુસ્લિમોના પવિત્ર શહેર મક્કામાં મંગળવારે પહેલીવાર એર થ્રેટ એલર્ટ જારી કરવામાં આવ્યું હતું. સાઉદી અરેબિયાના જણાવ્યા અનુસાર, હુથીઓ દ્વારા મક્કા તરફ મોકલવામાં આવેલ ડ્રોન પવિત્ર શહેરની પ્રતિબંધિત હવાઈ ક્ષેત્રમાં પ્રવેશ કરે તે પહેલા તેને અટકાવી દેવામાં આવ્યો હતો અને તેનો નાશ કરવામાં આવ્યો હતો. જો કે હુતી સંગઠને મક્કાને નિશાન બનાવવાનો સ્પષ્ટ ઇનકાર કર્યો છે.
સાઉદી સિવિલ ડિફેન્સે મંગળવારે દેશના પશ્ચિમ કિનારાના કેટલાક વિસ્તારોમાં હવાઈ ખતરાની ચેતવણી જારી કરી હતી. જેમાં મક્કાની સાથે જેદ્દાહ અને તૈફનો સમાવેશ થાય છે. મક્કામાં જારી કરાયેલું એલર્ટ થોડીવાર પછી હટાવી લેવામાં આવ્યું હતું. સાઉદી સિવિલ ડિફેન્સે લોકોને સૂચનાઓનું પાલન કરવા અને મેળાવડા અને ઘટનાના ફોટા અથવા વીડિયો લેવાનું ટાળવા કહ્યું.
સાઉદીએ શું કહ્યું?
સાઉદીની આગેવાની હેઠળના ગઠબંધન પ્રવક્તા તુર્કી અલ-મલિકીએ જણાવ્યું હતું કે રોયલ સાઉદી એર ડિફેન્સ ફોર્સે મંગળવારે સાંજે “દુશ્મન ડ્રોન” ને અટકાવ્યું હતું તે પહેલાં તે મક્કાના પ્રતિબંધિત એરસ્પેસમાં પ્રવેશ કરી શકે.
સાઉદી પક્ષે આ ઘટનાને લોકોને ડરાવવા અને નાગરિકોને નુકસાન પહોંચાડવાનો પ્રયાસ ગણાવ્યો હતો. અલ-મલિકીએ કહ્યું કે બંને પવિત્ર મસ્જિદો અને યાત્રાળુઓની સુરક્ષા એ “લાલ રેખા” છે.
