જ્વેલરી કંપનીઓના શેરમાં આજે શરૂઆતી ટ્રેડિંગમાં દબાણ જોવા મળ્યું હતું. કલ્યાણ જ્વેલર્સ, ટાઇટન કંપની, પીસી જ્વેલર, સેન્કો ગોલ્ડ, થંગામાઇલ જ્વેલરી અને ગોલ્ડિયમ ઇન્ટરનેશનલના શેર 8% સુધી તૂટ્યા હતા. બ્યુરો ઓફ ઈન્ડિયન સ્ટાન્ડર્ડ્સ (BIS) દ્વારા સોનાની હોલમાર્કિંગ ફીમાં વધારો કર્યા બાદ આ દબાણ આવ્યું છે.
BIS એ સોનાના દરેક આર્ટિકલ પર હોલમાર્કિંગ ફી રૂ. 45 થી વધારીને રૂ. 75 કરી છે. નવા દરો 14 સપ્ટેમ્બર 2026થી અમલમાં આવ્યા છે. સોનાના કન્સાઇનમેન્ટ પર લઘુત્તમ ચાર્જ રૂ. 200 નક્કી કરવામાં આવ્યો છે.
પીસી જ્વેલરમાં સૌથી મોટો ઘટાડો
પીસી જ્વેલરનો શેર શરૂઆતના વેપારમાં 8% ઘટીને રૂ. 11.87 થયો હતો. તેના કારણે કંપનીનું માર્કેટ કેપ ઘટીને રૂ. 11,526 કરોડ થઈ ગયું છે. કલ્યાણ જ્વેલર્સનો શેર 1.67% ઘટીને રૂ. 592.60 પર ટ્રેડ થઈ રહ્યો હતો અને કંપનીનું માર્કેટ કેપ રૂ. 61,505 કરોડ હતું.
ટાઇટન કંપનીના શેરમાં કોઈ ખાસ ફેરફાર થયો ન હતો અને તે રૂ. 4,882 પર ફ્લેટ ટ્રેડ થઈ રહ્યો હતો. કંપનીનું માર્કેટ કેપ રૂ. 4.33 લાખ કરોડ હતું.
સેન્કો ગોલ્ડ અને અન્ય શેર પણ લપસી ગયા હતા
સેન્કો ગોલ્ડનો શેર 3% ઘટીને રૂ. 325.85 થયો હતો. કંપનીનું માર્કેટ કેપ રૂ. 5,366 કરોડ હતું. થંગામયિલ જ્વેલરી 2.8% ઘટીને રૂ. 4,776 પર ટ્રેડ થઈ રહી હતી. કંપનીનું માર્કેટ કેપ રૂ. 14,944 કરોડ હતું.
ગોલ્ડિયમ ઈન્ટરનેશનલનો શેર પણ શરૂઆતના વેપારમાં 2.29% ઘટીને રૂ. 316.80 થયો હતો. કંપનીનું માર્કેટ કેપ રૂ. 4,813 કરોડ હતું.
