પાકિસ્તાનના મહાન ફાસ્ટ બોલર વસીમ અકરમે જેલમાં બંધ પોતાના સાથી અને પૂર્વ કેપ્ટન ઈમરાન ખાનના સ્વાસ્થ્ય અંગે ચિંતા વ્યક્ત કરતા કહ્યું છે કે આ મામલે કોઈ સમજૂતી કરી શકાય નહીં. પાકિસ્તાનના બહુ ઓછા દિગ્ગજ ક્રિકેટરોએ 1992ના વર્લ્ડ કપ વિજેતા કેપ્ટન ઈમરાનના સમર્થનમાં ખુલ્લેઆમ અવાજ ઉઠાવ્યો છે. ભ્રષ્ટાચારના અનેક મામલામાં દોષિત જાહેર થયા બાદ ઈમરાન 2022થી જેલમાં છે. જો કે તે પોતાના પર લાગેલા આરોપોને નકારી રહ્યો છે.
પૂર્વ કેપ્ટન અકરમે ‘ધ એથ્લેટિક’ને કહ્યું કે મેં ત્રણ વર્ષથી તેની સાથે વાત કરી નથી. તેમની સાથે રાજકીય રીતે જે પણ થઈ રહ્યું છે. જે અત્યંત દુર્ભાગ્યપૂર્ણ છે. કોર્ટ પોતાનું કામ કરે છે પરંતુ જ્યાં સુધી તેમના સ્વાસ્થ્યની વાત છે ત્યાં સુધી કોઈ સમાધાન થઈ શકે નહીં. ગયા અઠવાડિયે, વેસ્ટ ઈન્ડિઝના મહાન બેટ્સમેન બ્રાયન લારા પણ ભૂતપૂર્વ આંતરરાષ્ટ્રીય કેપ્ટનોના અભિયાનમાં જોડાયા હતા અને ઈમરાનને યોગ્ય તબીબી સંભાળ પૂરી પાડવાની માંગ કરી હતી. અગાઉ, લગભગ 22 ભૂતપૂર્વ આંતરરાષ્ટ્રીય કેપ્ટન પાકિસ્તાનના વડા પ્રધાન શહેબાઝ શરીફને મળ્યા હતા. ઈમરાનને ખુલ્લો પત્ર લખીને યોગ્ય તબીબી સંભાળ અને માનવીય સારવારની માંગ કરી હતી.
અકરમે કહ્યું કે ઈમરાનની હાલત સુધારવા માટે ઈંગ્લેન્ડ અને અન્ય સ્થળોએ અભિયાન ચાલી રહ્યું છે, પરંતુ અહીં પાકિસ્તાનમાં આવું થઈ રહ્યું છે કે નહીં તે હું નિશ્ચિતપણે કહી શકતો નથી. તેણે કહ્યું કે હું એક એવી વ્યક્તિ તરીકે હૃદયથી બોલી રહ્યો છું જે તેના સ્વાસ્થ્યની ચિંતા કરે છે. ભલે તે દોષિત હોય કે ન હોય, તે જેલમાં હોય કે ન હોય, આપણે તેના સ્વાસ્થ્યની સુરક્ષા સુનિશ્ચિત કરવી જોઈએ. અમને ખબર નથી કે ખરેખર શું થઈ રહ્યું છે. સરકાર કહી રહી છે કે તેમની તબિયત સારી છે, પરંતુ હું ચિંતિત છું. હું તેમને ખૂબ જ યાદ કરું છું.
