બનાસકાંઠામાં અકસ્માતોની હારમાળા જોવા મળી રહી છે. દરરોજ અકસ્માતો બની રહ્યા છે. જેમાં અમીરગઢ તાલુકામાં અકસ્માતોનો સિલસિલો શરૂ થયો હોય તેવું લાગી રહ્યું છે કારણ કે ફરી એકવાર અકસ્માતના બનાવો સામે આવ્યા છે. અમીરગઢના અવલ ઘુમટી પાટીયા પાસે બે બાઇક વચ્ચે અથડાતા બંને બાઇક સવારોને ઇજા થઇ હતી. એક બાઇક સવારે પાછળથી બીજી બાઇકને ટક્કર મારતાં અકસ્માત સર્જાયો હતો. જેમાં એક બાઇક ચાલક તેની બહેનને કોઇ કામ અર્થે ચિત્રાસણી ગામે મુકવા જઇ રહ્યો હતો. આ દરમિયાન અવલ ઘુમટી પાટિયા પાસે પાછળથી આવી રહેલા બાઇકે આગળ જઈ રહેલા ભાઈ-બહેનને ટક્કર મારતાં અકસ્માત સર્જાયો હતો.
અથડામણમાં બંને બાઇક સવારોને ગંભીર ઇજા થઇ હતી. પોતાની નજર સામે ભાઈને બેભાન જોઈને બહેન ધ્રૂજતા રડવા લાગી. અકસ્માતની જાણ થતાં જ સ્થાનિક લોકો દોડી આવ્યા હતા. અને 108ને બોલાવી બંને બાઇક ચાલકોને પાલનપુરની હોસ્પિટલમાં સારવાર અર્થે દાખલ કરાયા હતા.અકસ્માતની હારમાળા પર નજર કરીએ તો આ સાત દિવસમાં અમીરગઢ હાઇવે પર ચાર અકસ્માતો થયા છે. જેમાં ચાર લોકોના મોત થયા છે. ત્યાં બે લોકો ગંભીર રીતે ઘાયલ થયા હતા.
અથડામણમાં બંને બાઇક સવારોને ગંભીર ઇજા થઇ હતી. પોતાની નજર સામે ભાઈને બેભાન જોઈને બહેન ધ્રૂજતા રડવા લાગી. અકસ્માતની જાણ થતાં જ સ્થાનિક લોકો દોડી આવ્યા હતા. અને 108ને બોલાવી બંને બાઇક ચાલકોને પાલનપુરની હોસ્પિટલમાં સારવાર અર્થે દાખલ કરાયા હતા.અકસ્માતની હારમાળા પર નજર કરીએ તો આ સાત દિવસમાં અમીરગઢ હાઇવે પર ચાર અકસ્માતો થયા છે. જેમાં ચાર લોકોના મોત થયા છે. ત્યાં બે લોકો ગંભીર રીતે ઘાયલ થયા હતા.