અરવલ્લી જિલ્લામાં આખો દિવસ વિતાવ્યા બાદ સાંજ સુધીમાં વાતાવરણમાં પલટો આવ્યો હતો. જિલ્લાના મોડાસા, મેઘરજ અને ભિલોડા તાલુકાના ગ્રામ્ય વિસ્તારોમાં વરસાદ શરૂ થયો છે.અરવલ્લી જિલ્લાના ગ્રામ્ય વિસ્તારોમાં સાંજે વાતાવરણમાં પલટો જોવા મળ્યો હતો. જિલ્લાના મોડાસા, મેઘરજ અને ભિલોડા તાલુકાના ગ્રામ્ય વિસ્તારોમાં ધોધમાર વરસાદ વરસી રહ્યો છે. મોડાસાના નવા સરડોઇ, દાવલી, વાંટામાં ભારે વરસાદ થયો છે. બીજી તરફ ભિલોડાના વાશેરકંપા, સુણોઠ પંથકમાં ભારે વરસાદ થયો છે. વિસ્તારના રસ્તાઓ નદી જેવા બની ગયા છે અને ઉંડાણમાં પણ પાણી ભરાયા છે. શાળાએથી નીકળેલા નાના બાળકોએ પણ વરસાદની મજા માણી હતી. ખેતરોમાં પણ પાણી ભરાયા છે.મેઘરાજાની ઇસરી, રેલવાડા, જીતપુરમાં પણ વરસાદ પડ્યો છે. ખેડૂતોને ખેતીમાં ફાયદો થશે. ત્યારે મકાઈ, સોયાબીન, મગફળીની ખેતીમાં સારો નફો થશે.