મુંબઈઃ ઈલેક્ટ્રિક સંચાલિત ઑફ-રોડ વાહનોના વૈશ્વિક બજારમાં ભારતનો હિસ્સો આજે 1 ટકા હોઈ શકે છે, પરંતુ આગામી 16 વર્ષમાં એટલે કે 2040 સુધીમાં આ હિસ્સો વધીને 7.10 ટકા થવાની ધારણા છે, એમ ગોલ્ડમેન સૅક્સે એક અહેવાલમાં જણાવ્યું હતું.
ઈ-પેસેન્જર કારનું વેચાણ 2024માં એક લાખની આસપાસ હોઈ શકે છે પરંતુ 2030માં તે પહેલીવાર 10 લાખના આંકડાને પાર કરશે. આ આંકડો 2030માં 13 લાખ અને 2040 સુધીમાં 55 લાખ સુધી પહોંચવાની આશા છે.
ભારતમાં ઇલેક્ટ્રિક વાહનોનો પ્રવેશ વૈશ્વિક સરેરાશ કરતા ઘણો ઓછો છે પરંતુ 2040 સુધીમાં તેમાં વૃદ્ધિ જોવા મળશે. ભારતમાં ઇલેક્ટ્રિક વાહનોની સંખ્યા 2026માં સાત ટકા, 2030માં 21 ટકા અને 2040 સુધીમાં 57 ટકા થવાની ધારણા છે.
જ્યારે વૈશ્વિક સ્તરે આ આંકડો 20 ટકા, 34 ટકા અને 62 ટકા વધવાની ધારણા છે. રિપોર્ટમાં કહેવામાં આવ્યું છે કે ભારત સિવાય અમેરિકા, જાપાન, ચીન, યુરોપ અને અન્ય દેશોના અંદાજના આધારે વૈશ્વિક સરેરાશની ગણતરી કરવામાં આવી છે.
જાપાનમાં, હજુ પણ હાઇબ્રિડ વાહનોને પ્રાધાન્ય આપવામાં આવે છે, જો કે 2040માં ઇલેક્ટ્રિક વાહનોનો વિકાસ દર 80 ટકા રહેવાની ધારણા છે.