પાલનપુર પંથકમાં દિવસભર હળવોથી ભારે વરસાદ વરસ્યો હતો. જેમાં આ માર્ગ પરથી પસાર થતી એક પેસેન્જર જીપ પાલનપુર-ડીસા હાઇવે પર ચંડીસર ગામના પ્રવેશદ્વાર પર આવેલા ઓવરબ્રિજની નીચે વરસાદી પાણી ભરાઇ જતાં રોડ પરના પાણી ભરેલા નાળામાં ફસાઇ ગઇ હતી. જેના કારણે ટ્રાફિક જામ થઈ ગયો હતો. જો કે થોડા દિવસ પહેલા પણ આ જ જગ્યાએ એક ટ્રક પલટી ગઈ હતી. ચંડીસર પુલ નીચે વાહનો પલટી જવાના બનાવો બની રહ્યા છે ત્યારે હાઇવે ઓથોરીટી આ બાબતે ગંભીરતા દાખવે તેવી માંગ ઉઠી છે.