ધાનેરાના સામરવાડા પાસે દારૂ ભરેલી કારે બાઇક ચાલકને ટક્કર મારતાં અકસ્માત સર્જાયો હતો. બાઇક પર રામદેવરા દર્શન કરવા જઇ રહેલા ભક્તોને દારૂ ભરેલી કારે ટક્કર મારી હતી, જેના કારણે બાઇક પર સવાર બંને ભક્તો ગંભીર રીતે ઘાયલ થયા હતા. જેથી તેને તાત્કાલિક હોસ્પિટલમાં ખસેડવામાં આવ્યો હતો. બનાવની જાણ થતાં ધાનેરા પોલીસે ઘટના સ્થળે પહોંચી વધુ તપાસ હાથ ધરી છે. ગુજરાતનો બનાસકાંઠા જિલ્લો રાજસ્થાનની સરહદને અડીને આવેલો છે, જેના કારણે રાજસ્થાનથી ગુજરાતમાં દારૂની હેરાફેરી કરવાના અનેક વખત પ્રયાસો કરવામાં આવે છે. તે દરમિયાન આજે અકસ્માત સર્જાયો હતો. ધાનેરાના સામરવાડા પાસે દારૂ ભરેલી કાર અથડાઈ હતી. ગુજરાતમાંથી અનેક માઇ ભક્તો બાઇક પર કે પગપાળા રાજસ્થાનના રામદેવરાના દર્શને જતા હોય છે, આજે સવારે બાઇક સવારો રામદેવરાના દર્શને જતા હતા ત્યારે દારૂ ભરેલી કારે બાઇકને ટક્કર મારી હતી. બંને બાઇક સવારોનો ઇસમો રોડ પર અકસ્માત થયો હતો. જેના કારણે તેને ગંભીર ઈજાઓ થઈ હતી. ઇજાગ્રસ્ત બંને યુવકો ખંભાતના તારાપુરાના રહેવાસી હોવાનું જાણવા મળ્યું છે.
કારે બાઇકને ટક્કર માર્યા બાદ ચાલક કારમાંથી નીચે ઉતરીને ફરાર થઇ ગયો હતો. અકસ્માતના પગલે લોકો એકઠા થઈ ગયા હતા અને પોલીસને જાણ કરી હતી. આ પછી ધાનેરા પોલીસ તાત્કાલિક ઘટનાસ્થળે પહોંચી હતી અને ઈજાગ્રસ્ત બાઈક સવારોને સારવાર અર્થે હોસ્પિટલ લઈ જવાયા હતા. જે બાદ પોલીસે વાહનની તપાસ કરતાં વાહનમાંથી રૂ.40 હજારની કિંમતનો દારૂ મળી આવ્યો હતો, જેથી પોલીસે દારૂ અને વાહન કબજે કરી ચાલક સામે કાયદેસરની કાર્યવાહી હાથ ધરી છે. આ અંગે ધાનેરા પીઆઈ એ.ટી.પટેલે ટેલિફોન પર જણાવ્યું હતું કે, વાહનમાંથી રૂ.40 હજારની કિંમતનો દારૂ જપ્ત કરવામાં આવ્યો છે. કારચાલક કાર મુકીને ભાગી ગયો હતો. રોડ પર બાવળ પડી હતી જેના કારણે સામેથી આવતી મોટરસાઇકલને ટક્કર મારી હતી. જેથી અકસ્માત બાદ કારચાલક કાર રોડ પર મુકીને ભાગી ગયો હતો. જેમાં મોટર સાયકલ સવાર બે વ્યક્તિઓને ઇજા થઇ હતી. પાલનપુરના ગઠમાણ પાટિયા પાસે થોડા દિવસ પહેલા દારૂ ભરેલી કારનો અકસ્માત થયો હતો. દારૂ ભરેલી કાર બેકાબૂ થઈને રેલિંગ સાથે અથડાઈ હતી, ત્યારબાદ કારમાં સવાર બે લોકો કાર છોડીને ભાગી ગયા હતા. જો કે સમગ્ર ઘટનાના ચોંકાવનારા CCTV ફૂટેજ પણ સામે આવ્યા છે.