ગુજરાતઃ નવા વર્ષની શરૂઆત પહેલા જ ગુજરાતના યુવાનો માટે ગુજરાત સરકાર તરફથી મોટા સમાચાર સામે આવી રહ્યા છે. ગુજરાતમાં વર્ગ 3 (સ્પર્ધાત્મક પરીક્ષા) ની ભરતી સંબંધિત સારા સમાચાર છે. રાજ્ય ગૌણ સેવા પસંદગી મંડળના સચિવ હસમુખ પટેલે આ જાહેરાત કરી છે. માહિતી અનુસાર, વર્ગ 3 ની ભરતી આગામી 15 દિવસમાં એટલે કે ઉત્તરાયણની આસપાસના દિવસોમાં બહાર પાડવામાં આવશે. આ ઉપરાંત રાજ્યમાં વર્ગ 3 ની ભરતી માટે 5 હજાર જગ્યાઓ બહાર પાડવામાં આવશે.
એક તરફ, વર્ગ 3 ની ભરતી બહાર પાડવામાં આવી છે અને બીજી તરફ, સરકારે તેના નિયમોમાં કેટલાક ફેરફારો પણ કર્યા છે. હેડ ક્લાર્ક, ઓફિસ આસિસ્ટન્ટ સહિત વિવિધ 21 કેડરની ભરતી માટે મુખ્ય લેખિત પરીક્ષા લેવાનું પણ નક્કી કરવામાં આવ્યું છે. તેમજ જુનિયર ક્લાર્કની ભરતી પરીક્ષા લેખિતને બદલે MCQ પદ્ધતિથી લેવામાં આવશે.