પાટણ શહેર સહિત જિલ્લામાં વિનામૂલ્યે આરોગ્યલક્ષી ઈમરજન્સી સેવાઓ પૂરી પાડતી 108ની કામગીરી જરૂરિયાતમંદો માટે વરદાન બની રહી છે. ગઈકાલે પાટણ 108ની ટીમે ઓઢવા ગામના 40 વર્ષીય વ્યક્તિને હૃદયરોગનો હુમલો આવતા તેને સમયસર સારવાર પૂરી પાડી હતી અને આ વ્યક્તિને પાટણ સિવિલ હોસ્પિટલમાં બચાવી લેવામાં આવ્યો હતો. પરિવારે પાટણ 108 સિવિલ હોસ્પિટલના તબીબ સહિત સ્ટાફનો આભાર વ્યક્ત કર્યો હતો. સરસ્વતી તાલુકાના ઓઢવા ગામના વતની ચૌધરી રણછોડભાઈ પરમાભાઈ ઉમર 40 વર્ષ. ગઈકાલે રાત્રે અચાનક છાતીમાં દુખાવો અને શ્વાસ લેવામાં તકલીફ શરૂ થઈ, માથાનો દુખાવો, ગભરાટ, જડબામાં દુખાવો. સમસ્યા ઉભી થતાં પરિવારજનોએ 108નો સંપર્ક કરતાં તાત્કાલિક 108 સિવિલ હોસ્પિટલ પાટણનો સંપર્ક કરતાં ઇએમટી વિજય રાઠોડ અને પાયલોટ નિસારભાઇ સૈયદ ઘટના સ્થળે પહોંચી ગયા હતા. અને દર્દીની હાલત જોઈને તાત્કાલિક 108માં કામ કરતા ઈએમપી અને પાઈલટે દર્દીને હાર્ટ એટેક આવ્યો હોવાની જાણ કરી હતી.ઓફિસમાં ઈઆરસીપીના ડો. મહેશભાઈનો સંપર્ક કરીને દર્દીની સ્થિતિ વિશે જણાવતાં ડૉ. મહેશભાઈએ દર્દીને ડોક્ટરની જરૂરિયાત મુજબ સારવાર આપવાની સલાહ આપતા ઈએમટી અને પાયલોટ દ્વારા દર્દીની સારવાર શરૂ કરી હતી. તેને વધુ સારવાર માટે ધારપુર હોસ્પિટલમાં ખસેડવામાં આવ્યો હતો, જ્યાં દર્દીને સમયસર સારવાર મળતા દર્દીનો જીવ બચી ગયો હતો. અને પાયલોટ નિસારભાઈ સૈયદ સહિત ધારપુરના તબીબો અને સ્ટાફનો આભાર માન્યો હતો.