પાટણ જિલ્લામાં હેમચંદ્રાચાર્ય ઉત્તર ગુજરાત યુનિવર્સિટી, પાટણના કન્વેન્શન હોલમાં જિલ્લા જળ અને સ્વચ્છતા એકમ વાસ્મો પાટણ અને જિલ્લા વહીવટી તંત્રના સહયોગથી જિલ્લા કક્ષાનો મહિલા સશક્તિકરણ કાર્યક્રમ યોજાયો હતો. કલેક્ટર અરવિંદ વિજયનની અધ્યક્ષતામાં આયોજિત આ કાર્યક્રમમાં કલેકટરે પીવાના પાણીને લગતી કોઈ સમસ્યા હોય તો ટોલ ફ્રી નંબર 1916 પર માહિતી આપવા જણાવ્યું હતું તેમજ સુજલામ સુફલામ યોજના અને ખેતી અને પીવાના પાણીની યોજના વિશે પણ માહિતી આપી હતી.
જિલ્લા વિકાસ અધિકારી બી.એમ.પ્રજાપતિએ જણાવ્યું હતું કે, ગ્રામ્ય પાણી સમિતિઓ દ્વારા યોજનાને યોગ્ય રીતે ચલાવી લોકશાહીમાં તમામ લોકોને પીવાનું પાણી મળી રહે તે માટે પાણી સમિતિઓ દ્વારા વધુ યોગદાન આપવું જોઈએ. કાર્યક્રમમાં પાણી સમિતિઓને પીવાનું પાણી અને આરોગ્ય, સ્વચ્છતા, પોષણ અને કાયદાકીય જેવા વિવિધ વિષયો પર સંબંધિત વિભાગના વિષય નિષ્ણાતો દ્વારા માર્ગદર્શન આપવામાં આવ્યું હતું.