ફ્રાન્સમાં ચાલી રહેલા વિરોધને લઈને ભારત પણ એલર્ટ મોડ પર છે. હવે બુધવારે ભારતીય નાગરિકો માટે એક એડવાઈઝરી જારી કરવામાં આવી છે, જેમાં તેમને સાવચેત રહેવાની સલાહ આપવામાં આવી છે. ફ્રાન્સમાં તાજેતરના હિંસક પ્રદર્શનો અને લૂંટફાટની ઘટનાઓને પગલે પેરિસ પોલીસે બુધવારે રાતથી ગુરુવાર સવાર સુધી કેટલાક વિસ્તારોમાં નવા કર્ફ્યુની જાહેરાત કરી છે. ફ્રાન્સમાં છેલ્લા કેટલાક દિવસોમાં મોંઘવારી સહિત અનેક મુદ્દાઓને લઈને મોટા પાયે દેખાવો થઈ રહ્યા છે.
ફ્રાન્સમાં ભારતીય દૂતાવાસ દ્વારા એક એડવાઈઝરી જારી કરવામાં આવી છે. તેમાં કહેવામાં આવ્યું છે કે, ‘ફ્રાન્સમાં રહેતા અને પ્રવાસ કરતા ભારતીય નાગરિકો માટે એડવાઈઝરી. તાજેતરની પરિસ્થિતિ અને સ્થાનિક કર્ફ્યુને ધ્યાનમાં રાખીને, કૃપા કરીને સાવચેત રહો અને સાવચેતી રાખો. વિરોધ સ્થળો અને ભીડથી દૂર રહો અને સ્થાનિક વહીવટીતંત્રની સૂચનાઓનું પાલન કરો.
તેમાં એમ પણ કહેવામાં આવ્યું હતું કે, ‘સ્થાનિક સમાચારો દ્વારા માહિતગાર રહો, સત્તાવાર અપડેટ્સ માટે https://gouvernement.fr તપાસતા રહો અને જાહેર પરિવહનમાં કોઈપણ વિક્ષેપ માટે તપાસ કરતા રહો (https://ratp.fr).’
હેલ્પલાઈન નંબર પણ બહાર પાડવામાં આવ્યો છે
ઈમરજન્સી માટે ફોન નંબર પણ જારી કરવામાં આવ્યા છે. પેરિસમાં એમ્બેસી માટે સંપર્ક નંબરો +33 6 48 34 00 63 અને cons.paris@mea.gov.in છે. જ્યારે માર્સેલીમાં ભારતના કોન્સ્યુલેટ જનરલ માટે +33 7 43 16 25 59 અને cgo.marseille@mea.gov.in આપવામાં આવ્યા છે.
