ગુવાહાટી. બુધવારે બરસાપારા ક્રિકેટ સ્ટેડિયમમાં કેપ્ટન શુભમન ગિલે વેસ્ટ ઈન્ડિઝ સામે 133 બોલનો સામનો કરીને અણનમ 223 રન બનાવ્યા હતા. તેની રેકોર્ડબ્રેક ઇનિંગ્સમાં 8 સિક્સ અને 26 ફોરનો સમાવેશ થાય છે. ગીલની તોફાની ઇનિંગ્સના આધારે ભારતે 406 રનનો ટાર્ગેટ 43.3 ઓવરમાં 8 વિકેટ બાકી રહેતા હાંસલ કર્યો હતો. આ સાથે ગિલ ODI ક્રિકેટમાં સૌથી ઝડપી 200 રન પૂરા કરનાર બેટ્સમેન બની ગયો છે. શુભમન ગિલે માત્ર 89 બોલમાં 150 રન પૂરા કર્યા હતા. બોલની દ્રષ્ટિએ ODIમાં ભારતીય બેટ્સમેન દ્વારા સૌથી ઝડપી 150 રન બનાવવાનો આ રેકોર્ડ હતો. આ યાદીમાં ઈશાન કિશન (103 બોલ) અને વિરાટ કોહલી (106 બોલ) ગિલથી પાછળ છે. આ પછી ગિલે માત્ર 117 બોલમાં બેવડી સદી ફટકારી હતી. બોલના આધારે આ સૌથી ઝડપી બેવડી સદી હતી. આ મામલામાં ઈશાન કિશન (126 બોલ) અને ગ્લેન મેક્સવેલ (128 બોલ) અનુક્રમે બીજા અને ત્રીજા સ્થાને છે. 117 બોલમાં ફટકારેલી આ બેવડી સદી તમામ લિસ્ટ-એ ક્રિકેટમાં સંયુક્ત ચોથી સૌથી ઝડપી બેવડી સદી છે. 2022/23માં બેંગલુરુમાં અરુણાચલ પ્રદેશ સામે તમિલનાડુ માટે માત્ર એન. જગદીસનની 114 બોલની ઈનિંગ કોઈપણ ભારતીય બેટ્સમેનની સૌથી ઝડપી ઈનિંગ છે.
આ ઇનિંગમાં શુભમન ગીલે રોહિત શર્મા સાથે મળીને ભારત માટે વનડેમાં બીજી સૌથી વધુ ઓપનિંગ ભાગીદારીનો રેકોર્ડ પણ બનાવ્યો હતો. બંને બેટ્સમેનોએ પ્રથમ વિકેટ માટે 255 રન બનાવ્યા હતા. હાલમાં આ મામલે સચિન તેંડુલકર અને સૌરવ ગાંગુલી (વિરુદ્ધ કેન્યા, વર્ષ 2001)ની જોડી ટોચ પર છે.
14 બેટ્સમેનોએ એક કેલેન્ડર વર્ષમાં બે વખત 150+ રન બનાવ્યા છે. જેમાંથી સાત ભારતીય બેટ્સમેન છે. સૌરવ ગાંગુલી (1999), ગૌતમ ગંભીર (2009), સચિન તેંડુલકર (2009), વિરેન્દ્ર સેહવાગ (2011), વિરાટ કોહલી (2018), રોહિત શર્મા (2018) અને શુભમન ગિલ (2026) આ સિદ્ધિ મેળવી ચૂક્યા છે.
ODI ક્રિકેટમાં રનનો પીછો કરતી વખતે આ સર્વોચ્ચ વ્યક્તિગત સ્કોરનો રેકોર્ડ પણ છે. આ મામલે ગિલે વર્લ્ડ કપ 2023માં અફઘાનિસ્તાન સામે રનનો પીછો કરતી વખતે 201 રનની અણનમ ઇનિંગ રમનાર ગ્લેન મેક્સેવને પાછળ છોડી દીધો છે.
શુભમન ગિલ ODI ઈતિહાસમાં સૌથી વધુ વ્યક્તિગત સ્કોર બનાવવાના મામલે ત્રીજા સ્થાને પહોંચી ગયો છે. આ યાદીમાં રોહિત શર્મા (264 વિ. શ્રીલંકા) અને માર્ટિન ગુપ્ટિલ (237* વિ. વેસ્ટ ઈન્ડિઝ) ગિલ કરતા આગળ છે.
ભારતે ODI ક્રિકેટ ઈતિહાસમાં બીજા નંબરનો સૌથી સફળ રન ચેઝ કરવાનો રેકોર્ડ બનાવ્યો છે. આ યાદીમાં દક્ષિણ આફ્રિકા ટોચ પર છે જેણે વર્ષ 2006માં ઓસ્ટ્રેલિયા સામે 435 રનનો લક્ષ્યાંક હાંસલ કર્યો હતો.
–IANS
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
