ઊંઝા શહેર અને આસપાસના વિસ્તારોમાં ભેળસેળની પ્રવૃતિઓ દિવસેને દિવસે ફૂલીફાલી રહી છે. જીરામાં જબરદસ્ત તેજીએ ભેળસેળિયા તત્વોને મોટી કમાણી કરવાની તક આપી છે. ત્યારે ઉઝા તાલુકાના મકતુપુરમાં વરિયાળીમાંથી નકલી જીરું બનાવતી ફેક્ટરી ઝડપાઈ હતી જેના કારણે ભેળસેળ કરતા તત્વોમાં ફફડાટ ફેલાયો છે. પ્રાપ્ત માહિતી અનુસાર ફૂડ એન્ડ ડ્રગ વિભાગ ગાંધીનગર પાટણના સંયુકત ઉપક્રમે ગોડાઉનને ઝડપી પાડ્યું છે. ઉઝા તાલુકાના મકતુપુરમાંથી વરિયાળીમાંથી નકલી જીરું બનાવતું. મકતુપુર સણક રોડ પર આવેલા પટેલ મહેન્દ્ર મફતલાલ નામના ગોડાઉનમાંથી 2700 કિલો નકલી જીરૂની 54 બોરીઓ જપ્ત કરી કબજે કરવામાં આવી હતી. વરિયાળીની ભૂકીને પ્રોસેસ કરીને, તેને સિમેન્ટ અને ગોળથી કોટિંગ કરીને બનાવટી જીરું બનાવવામાં આવતું હતું. ગાંધીનગરના ફૂડ એન્ડ ડ્રગ વિભાગના કે.આર.પટેલે સેમ્પલ મેળવી લેબોરેટરીમાં પરીક્ષણ માટે મોકલી આપ્યા છે. (1) જીરું ખુલ્યું 2700 કિલો અંદાજિત ભાવ રૂ.1,62,000 (2) ગોળ 100 કિલો અંદાજિત ભાવ રૂ.1000 (3) બ્રાઉન પાવડર લૂઝ 350 કિલો અંદાજિત ભાવ રૂ.1750 (4) જીરું ખુલ્યું 630 કિલો અંદાજિત ભાવ રૂ. 14,150 મળી કુલ 3680 2, 14,150 કિલોનો મુદ્દામાલ જપ્ત કરી ગોડાઉન સીલ કરવામાં આવ્યું હતું.