અરબી સમુદ્રમાં સર્જાયેલ ચક્રવાત બિપરજોય આખરે ગુજરાતના દરિયાકાંઠે ત્રાટક્યું છે. જેના કારણે કચ્છ-સૌરાષ્ટ્ર સહિત ઉત્તર ગુજરાતમાં ભારે પવન સાથે વરસાદ પડી રહ્યો છે. પાટણ, બનાસકાંઠા, મહેસાણા અને સાબરકાંઠામાં ભારે વરસાદને કારણે અનેક વૃક્ષો ધરાશાયી થયા છે. ભારે વરસાદના કારણે નડાબેટના રણમાં પણ પાણી ભરાયા હતા. વાવ તાલુકામાં પણ ઘરોમાં પાણી ઘુસી ગયા હતા. સાંતલપુરમાં જળબંબાકારની સ્થિતિ સર્જાઈ છે. રસ્તો પાણીમાં ડૂબી ગયો. જેના કારણે લોકો પરેશાન થઈ ગયા હતા. આ ઉપરાંત રાજકોટ અને જામનગરમાં ભારે પવન સાથે વરસાદ થયો છે.
હવામાન વિભાગે આજે કચ્છ, બનાસકાંઠા, પાટણ અને દ્વારકામાં ભારેથી અતિભારે વરસાદની આગાહી કરી છે. આ ઉપરાંત આજે રાજ્યના અન્ય ભાગોમાં પણ વરસાદ પડશે. જામનગર, મોરબી, રાજકોટ, સુરેન્દ્રનગર, પોરબંદર, જૂનાગઢ, સાબરકાંઠા અને અરવલ્લીમાં પણ ભારે વરસાદ પડશે. બીજી તરફ ઉત્તર ગુજરાતમાં ભારે પવન સાથે વરસાદના કારણે વીજ થાંભલાઓને ભારે નુકસાન થયું છે. જેના કારણે વીજ પુરવઠો ખોરવાયો હતો. પાલનપુર પંથકના 25 જેટલા ગામોની લાઇટો ગુલ થઇ ગઇ છે.
પાટણ જિલ્લાના સાંતલપુર પંથકમાં વોટર બોમ્બની સ્થિતિ સર્જાઈ છે. સાંતલપુર તાલુકાના માધુત્રા, રોજુ, ગરમડી સહિતના ગામોમાં પૂર જેવી સ્થિતિ સર્જાઈ છે. અવિરત વરસાદને કારણે ગામની બજારોમાં પાણી ઘુસી ગયા હતા. ભારે પવન સાથે ભારે વરસાદ પડી રહ્યો છે. જેના કારણે બસ સ્ટેન્ડ પર પાણી ભરાયા હતા. હાલ પુરના કારણે સાંતલપુરની બજારો બંધ રહી હતી. બીજી તરફ હારીજમાં પણ ધોધમાર વરસાદ વરસી રહ્યો છે.
પાટણ જિલ્લાના સાંતલપુર પંથકમાં વોટર બોમ્બની સ્થિતિ સર્જાઈ છે. સાંતલપુર તાલુકાના માધુત્રા, રોજુ, ગરમડી સહિતના ગામોમાં પૂર જેવી સ્થિતિ સર્જાઈ છે. અવિરત વરસાદને કારણે ગામની બજારોમાં પાણી ઘુસી ગયા હતા. ભારે પવન સાથે ભારે વરસાદ પડી રહ્યો છે. જેના કારણે બસ સ્ટેન્ડ પર પાણી ભરાયા હતા. હાલ પુરના કારણે સાંતલપુરની બજારો બંધ રહી હતી. બીજી તરફ હારીજમાં પણ ધોધમાર વરસાદ વરસી રહ્યો છે.