કોઈપણ કર્મચારી પોતાની ફરજની સાથે સામાજિક ફરજ પણ બજાવે છે. આવા ઉત્સવોમાં સ્વૈચ્છિક સંસ્થાઓની બહેનો પણ ભાગ લે છે. આજે મોડાસા લાયન્સ ક્લબની બહેનોએ જિલ્લા પોલીસ કર્મચારીઓને રાખડી બાંધી તેમની સલામતી માટે પ્રાર્થના કરી હતી.
અરવલ્લી જીલ્લાના જીલ્લા પોલીસ મથક મોડાસા ખાતે આજે લાયન્સ ક્લબ ઓફ મોડાસાની બહેનોએ સમાજ અને લોકોની સુરક્ષા માટે હંમેશા તત્પર રહેતા પોલીસ કર્મચારીઓને રક્ષાબંધન બાંધીને રક્ષાબંધન પર્વની ઉજવણી કરી હતી. સૌ પ્રથમ સિંહ બહેનોએ જિલ્લા નાયબ પોલીસ અધિક્ષક કે.જે.ચૌધરીને રાખડી બાંધી સલામી આપી હતી અને બાકીની બહેનોએ અન્ય પોલીસકર્મીઓને રાખડી બાંધી તેમની સલામતી માટે પ્રાર્થના કરી હતી. પોલીસ કર્મચારીઓએ પણ સિંહ બહેનોનો આભાર માન્યો હતો. સમગ્ર કાર્યક્રમમાં જિલ્લા નાયબ પોલીસ અધિક્ષક કે.જે.ચૌધરી, લાયન્સ પ્રમુખ પ્રવીણ ચૌહાણ તેમજ મોટી સંખ્યામાં પોલીસ કર્મચારી ભાઈ-બહેનો ઉપસ્થિત રહ્યા હતા.