વડોદરાઃ થોડા દિવસો પહેલા વડોદરા શહેરમાં પાર્કિંગના વિવાદમાં ભાજપના એક કાર્યકર પર જીવલેણ હુમલો થયો હતો. આ કેસમાં પોલીસે આરોપીની ધરપકડ કરી કાયદેસરની કાર્યવાહી હાથ ધરી છે. દરમિયાન શહેર ભાજપ બક્ષી પંચ મોરચાના કારોબારી સભ્ય રાકેશ પાટણવાડિયા પર જીવલેણ હુમલાની ઘટના પણ સામે આવી છે.
રાકેશ પાટણવાડિયાએ નોંધાવેલી ફરિયાદ મુજબ ગત રાત્રે 10:30 વાગ્યે હું મારી ક્રેટા કાર લઈને નોવીમાં પેનાસોનિક કંપની પાસેના રોડ પર મારા મિત્રની રાહ જોઈ રહ્યો હતો. દરમિયાન કાળા રંગની કિયા કારમાં બંટી નામનો વ્યક્તિ આવ્યો હતો.
‘તું બહુ જાડો છે’ કહીને બંટીએ મારી સાથે ઝઘડો કર્યો. આવી સ્થિતિમાં ભરત તાંબે (રહે. મકરપુરા) તેની કારમાંથી નીચે ઉતરી લાકડી વડે માર માર્યો હતો. જો કે, આ દરમિયાન આસપાસના લોકોના ટોળાને જોતા બંટી અને ભરત તાંબે નાસી છૂટ્યા હતા. જે બાદ મને ઇજાગ્રસ્ત હાલતમાં સારવાર માટે મકરપુરા હોસ્પિટલમાં દાખલ કરવામાં આવ્યો હતો.
હાલ રાકેશ પાટણવાડિયાની ફરિયાદના આધારે માંજલપુર પોલીસે બંટી અને ભરત તાંબે સામે IPCની કલમ 325, 323, 114 અને 294 (B) હેઠળ ગુનો નોંધી તેમની ધરપકડ માટે તપાસના ચક્રો ગતિમાન કર્યા છે.