ટોયોટાની હાઇડ્રોજન MIRAI કાર પ્રદૂષણ મુક્ત અને સુવિધાઓથી સજ્જ ગ્રીન ઇન્ડિયાનું ભવિષ્ય બનશે.
(GNS),13
ગાંધીનગર,
વાઇબ્રન્ટ ગુજરાત ગ્લોબલ ટ્રેડ શો 2024 ના છેલ્લા દિવસે મુલાકાતીઓનો ધસારો જોવા મળ્યો હતો. આ ડોમમાં ટોયોટા કંપની દ્વારા પ્રદર્શિત હાઇડ્રોજન સંચાલિત MIRAI કાર અને ટ્રકે કાર શોખીનો અને ઉદ્યોગકારોની ઉત્સુકતા વધારી દીધી છે. આ કાર અને ટ્રક નજીકના ભવિષ્યમાં ભારતમાં લોન્ચ કરવામાં આવશે. આ કાર માટે જરૂરી હાઇડ્રોજન ઇંધણ સ્ટેશનો સંચાલિત કરવામાં આવશે જે યોગ્ય હાઇડ્રોજનયુક્ત ઇંધણ પ્રદાન કરશે.
સુંદર ડિઝાઇનવાળી આકર્ષક વાદળી રંગની કાર, જેમાં ત્રણ હાઇડ્રોજન ટેન્ક આપવામાં આવી છે અને તેની ક્ષમતા 5.6 કિગ્રા છે. આ કારના ઉપયોગથી પ્રદૂષણ ઘટશે અને આ કાર અને ટ્રક ભવિષ્યમાં નાગરિકો માટે સસ્તી, સરળ, પ્રદૂષણ મુક્ત અને આધુનિક વિકલ્પ બનશે. કાર્બન ઉત્સર્જનનું પ્રમાણ પણ ઘટશે. હાઇડ્રોજન સંચાલિત કાર કુદરતી સંસાધનોનું ઉત્તમ ઉદાહરણ છે જે ભવિષ્યમાં પેટ્રોલ અને ડીઝલનો અદ્ભુત વિકલ્પ બનશે.