ગુજરાત વિધાનસભામાં સાયબર ક્રાઈમ અવેરનેસ અંતર્ગત એક ખાસ કાર્યક્રમનું આયોજન કરવામાં આવ્યું હતું.
રાજ્ય મંત્રી પરિષદના તમામ સભ્યો અને તમામ ધારાસભ્યોએ સાયબર જાગૃતિ નાટક નિહાળ્યું હતું.
(GNS),તા.29
ગાંધીનગર,
ગૃહ રાજ્ય મંત્રી શ્રી હર્ષ સંઘવી દ્વારા આજે વિધાનસભામાં સાયબર ક્રાઈમ અવેરનેસ અંતર્ગત એક વિશેષ કાર્યક્રમનું આયોજન કરવામાં આવ્યું હતું. જેમાં રાજ્ય કેબિનેટના તમામ સભ્યો અને તમામ ધારાસભ્યો હાજર રહ્યા હતા.
સાયબર ક્રાઈમથી બચવા શું કરવું અને શું ન કરવું? અને જો તમે સાયબર ક્રાઈમનો ભોગ બનશો તો શું કરવું? ગુજરાત પોલીસના સાયબર ક્રાઈમ સેલ દ્વારા આ સંદર્ભે માર્ગદર્શન આપતું ગુજરાતી નાટક ‘સાયબર એટેકઃ આપણી સુરક્ષા, આપણા હાથ’ રજૂ કરવામાં આવ્યું હતું. આ નાટક દ્વારા, હાજર તમામ જનપ્રતિનિધિઓને ગુનેગારો દ્વારા હાલમાં સાયબર છેતરપિંડી કરવા માટે જે મોડસ ઓપરેન્ડીનો ઉપયોગ કરવામાં આવે છે તેની માહિતી આપવામાં આવી હતી.
સમગ્ર રાજ્યમાં સાયબર ક્રાઈમ અંગે જનજાગૃતિ આવે તે હેતુથી વિધાનસભા ખાતે આયોજિત આ કાર્યક્રમમાં ઉપસ્થિત તમામ જનપ્રતિનિધિઓને પણ પોતપોતાના વિસ્તારોમાં જનજાગૃતિ કેળવવા આહવાન કરવામાં આવ્યું હતું.