અમદાવાદ. હરિ ક્રિષ્ના એક્સપોર્ટ્સ અને તેની ગ્રૂપ કંપની એચકે ડિઝાઇને એક રિંગમાં જડેલા હીરાની મહત્તમ સંખ્યા માટે ગિનિસ વર્લ્ડ રેકોર્ડ બનાવ્યો છે. સુરત સ્થિત આ પેઢીએ તાજેતરમાં જ 50,907 હીરાની એક વીંટી બનાવી હતી. કંપનીને તાજેતરમાં મુંબઈમાં આ ખિતાબ એનાયત કરવામાં આવ્યો હતો. આ પહેલા પણ સુરતની અનેક પેઢીઓએ આવા પ્રયાસો કરીને ગીનીસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે, જોકે તેમાં હીરાની સંખ્યા ઓછી હતી. ગીનીસ બુક ઓફ વર્લ્ડ રેકોર્ડમાં નોંધાયેલી સિંગલ રીંગ (વિંટી)ની કિંમત 65 લાખ રૂપિયા આંકવામાં આવી છે.
50,907 હીરાની વીંટી બનાવવામાં નવ મહિનાનો સમય લાગ્યો હતો. જેમાં ડિઝાઈનથી લઈને ડાયમંડના કટિંગ અને ફિનિશિંગ સુધીની કામગીરી કરવામાં આવી હતી. આ વીંટી બનાવવામાં 18 કેરેટ સોનાનો ઉપયોગ કરવામાં આવ્યો છે. રીંગમાં કુલ આઠ ભાગ છે. આમાં પાંખડીઓના સ્તરો અને શેંક અને બટરફ્લાય સાથેની બે હીરાની ડિસ્કનો સમાવેશ થાય છે. રીંગમાંના દરેક હીરાને કારીગરોની ટીમ દ્વારા હાથથી સેટ કરવામાં આવે છે. કંપનીના એક અધિકારીએ જણાવ્યું કે આ વીંટીનું નામ ઉતિયારિયા રાખવામાં આવ્યું છે. જેનો અર્થ છે પ્રકૃતિ સાથે એક થવું. આ વીંટી બનાવવાનો ઉદ્દેશ્ય પ્રકૃતિ સાથે મનુષ્યનું જોડાણ બતાવવાનો છે. HK Exportsના સ્થાપક અને ચેરમેન સવજી ધોળકિયાના જણાવ્યા અનુસાર, પર્યાવરણને સંતુલિત કરવા માટે અમે રિંગમાં દરેક હીરાના સેટ માટે એક વૃક્ષ વાવીશું.
ગિનિસ બુક ઓફ વર્લ્ડ રેકોર્ડમાં નોંધાયેલી આ વીંટીની વિશેષતા એ છે કે તે સંપૂર્ણપણે રિસાયકલ કરેલ સામગ્રીમાંથી બનાવવામાં આવી છે. આમાં રિસાયકલ કરેલ સોના અને હીરાનો ઉપયોગ કરવામાં આવ્યો છે. હરિ ક્રિષ્ના એક્સપોર્ટ પ્રાઈવેટ લિમિટેડના નામે આ રિંગ બનાવવાનો રેકોર્ડ 11 માર્ચ 2023ના રોજ નોંધાયેલો છે. કંપનીના એમડી ઘનશ્યામ ઢોલકિયાના જણાવ્યા અનુસાર, અમારી ટીમ દ્વારા કરવામાં આવેલી મહેનત માટે અમે ગીનીસ બુક ઓફ વર્લ્ડ રેકોર્ડના આભારી છીએ.