સુરતઃ રાજ્યભરમાં આકરી ગરમીનો અનુભવ થઈ રહ્યો છે. હીટવેવના કેસો સતત વધી રહ્યા હોવાથી, સુરતમાં સેવાભાવી સંસ્થાઓના સહયોગથી પોલીસ દ્વારા ટ્રાફિક પોઈન્ટ પર છાશ, પાણી અને છત્રીઓનું વિતરણ કરવામાં આવ્યું હતું.
હાલમાં ઉનાળો ચાલી રહ્યો છે અને છેલ્લા બે-ત્રણ દિવસથી આકરી ગરમી પડી રહી છે. આકરી ગરમીમાં પણ ટ્રાફિક જવાનો રોડ પર ઉભા રહીને ટ્રાફિકને કંટ્રોલ કરી રહ્યા છે ત્યારે સુરતમાં ટ્રાફિક એસીપી બીએસ મોરીએ ટ્રાફિક પોઈન્ટ પર ટીઆરબીના જવાનો અને ટ્રાફિક કંટ્રોલ કરનારા લોકોને છાશનું વિતરણ કર્યું હતું.
આ ઉપરાંત ટ્રાફિક ગાર્ડની ડ્યુટી પોઈન્ટ પર છાંયડો ન હોય તેવા તમામ સ્થળોએ છત્રીઓનું પણ વિતરણ કરવામાં આવ્યું હતું જેથી ટ્રાફિક ગાર્ડને છાંયડામાં ઉભા રહીને ટ્રાફિક વ્યવસ્થા ગોઠવવામાં આવે.
ટ્રાફિક એસીપી બી.એસ.મોરીએ જણાવ્યું કે હાલ બે-ત્રણ દિવસથી હીટવેવ ચાલી રહી છે અને તે ખૂબ જ ગરમી છે. આ કાળઝાળ ગરમીમાં પણ ટ્રાફિક પોલીસના લોકો પોતાની ફરજ બજાવે છે. ત્યારે સેવાભાવી સંસ્થા દ્વારા અને ટ્રાફિક પોલીસના સહયોગથી છાશ વિતરણનું આયોજન કરવામાં આવ્યું હતું.