બોલિવૂડ એક્ટર રિતિક રોશન અને દીપિકા પાદુકોણની ફિલ્મ ફાઈટરને રિલીઝ થયાને એક મહિનાથી વધુ સમય વીતી ગયો છે. આ ફિલ્મ 25 જાન્યુઆરી 2024ના રોજ સિનેમાઘરોમાં રિલીઝ થઈ હતી. આ ફિલ્મે 211 કરોડ રૂપિયાનું કલેક્શન કર્યું હતું. આ ફાઇટરએ વિશ્વભરમાં 336 કરોડ રૂપિયાની કમાણી કરી હતી. થિયેટર પછી, દર્શકો આ ફિલ્મ OTT પર આવવાની રાહ જોઈ રહ્યા હતા. હવે તેમની રાહનો અંત આવવાનો છે. આ સિવાય ફિલ્મના OTT અધિકારોને લઈને પણ એક મોટું અપડેટ સામે આવ્યું છે.
હૃતિક રોશનની ફિલ્મના ઓટીટી રાઇટ્સ અંગે એક અપડેટ આવ્યું છે. નિર્માતાઓએ ફાઈટરના અધિકારોને લઈને નેટફ્લિક્સ સાથે મોટી ડીલ કરી હતી. માનવામાં આવે છે કે હૃતિકની ફિલ્મે OTT ડીલના મામલે શાહરૂખ ખાનની ફિલ્મ ‘પઠાણ’ને પાછળ છોડી દીધી છે. અહેવાલ મુજબ, નિર્માતાઓએ ફાઇટરના સેટેલાઇટ અધિકારો માટે નેટફ્લિક્સ સાથે રૂ. 150 કરોડની ડીલ ફાઇનલ કરી હતી. Netflixએ તેની રિલીઝ પહેલા જ 150 કરોડ રૂપિયામાં Fighterના OTT અધિકારો ખરીદ્યા હતા.
જો અહેવાલો પર વિશ્વાસ કરવામાં આવે તો, 21 માર્ચ, 2024 ના રોજ Netflix પર ફાઇટર ઘરે જોઈ શકાશે. જો શાહરૂખ ખાનની ફિલ્મ ‘પઠાણ’ની વાત કરીએ તો આ ફિલ્મ સાથે કિંગ ખાન ચાર વર્ષ બાદ સિનેમાઘરોમાં પરત ફર્યો છે. શાહરૂખની આ ફિલ્મ બ્લોકબસ્ટર સાબિત થઈ હતી. આ ફિલ્મે જબરદસ્ત બિઝનેસ કર્યો. પરંતુ આ ફિલ્મના ઓટીટી રાઈટ્સ ફાઈટર કરતા ઓછા ભાવે વેચાયા હતા. ‘પઠાણ’ની રિલીઝ પહેલા મેકર્સે એમેઝોન પ્રાઇમ સાથે ડીલ ફાઈનલ કરી લીધી હતી.
શાહરૂખ ખાનની કમબેક ફિલ્મ ‘પઠાણ’ના સેટેલાઇટ રાઇટ્સ એમેઝોન પ્રાઇમે 100 કરોડ રૂપિયામાં ખરીદ્યા હતા. એટલે કે પઠાણની ડીલ ફાઈટર કરતા 50 કરોડ રૂપિયા ઓછી કિંમતે ફાઈનલ થઈ હતી. ‘પઠાણ’એ બોક્સ ઓફિસ પર 500 કરોડથી વધુનો બિઝનેસ કર્યો હતો.