એક તરફ દેશ જંગલની ભયંકર આગથી સળગી રહ્યો છે અને બીજી બાજુ મદદ માટે આકાશમાં મંડરાતા હેલિકોપ્ટરની ભયાનક અથડામણ થઈ રહી છે – ગ્રીસ હાલમાં પ્રકૃતિના ભયંકર સ્વરૂપનો સામનો કરી રહ્યું છે. એથેન્સના પશ્ચિમી વિસ્તાર પસાથામાં રવિવારે રાહત અને બચાવ કામગીરીમાં લાગેલા બે ફાયર ફાઈટિંગ હેલિકોપ્ટર હવામાં અથડાઈ ગયા હતા.
આ અકસ્માત ત્યારે થયો જ્યારે બંને હેલિકોપ્ટર જંગલમાં સળગતી આગ પર પાણીનો છંટકાવ કરી રહ્યા હતા. ટીવી ચેનલો પર દેખાડવામાં આવેલા ફૂટેજમાં જોઈ શકાય છે કે રોટર્સ (પંખાઓ) એકબીજા સાથે અથડાતાની સાથે જ હેલિકોપ્ટરમાં જોરદાર વિસ્ફોટ થયો અને તે આગના ગોળામાં સીધુ જમીન પર પડી ગયું.
સરકારી ટીવી ચેનલ ERT અનુસાર, એક ક્રૂ મેમ્બરને સુરક્ષિત રીતે બહાર કાઢવામાં આવ્યો છે, જ્યારે સર્ચ અને રેસ્ક્યુ ટીમ અન્ય એકને શોધવામાં વ્યસ્ત છે.
100 કિમીની ઝડપે પવન ફૂંકાઈ રહ્યો છે
પરિસ્થિતિની ગંભીરતાને ધ્યાનમાં રાખીને ગ્રીસના વડા પ્રધાન કિરિયાકોસ મિત્સોટાકિસે ચેતવણી આપી છે કે દેશમાં આવનારા દિવસો ખૂબ જ મુશ્કેલ બનવાના છે. તેમણે સોશિયલ મીડિયા પર લખ્યું કે રાજ્ય હાલમાં અનિયંત્રિત હવામાનનો સામનો કરી રહ્યું છે, જ્યાં 100 કિલોમીટર પ્રતિ કલાકની ઝડપે તોફાની પવનો ફૂંકાઈ રહ્યા છે.
