પાકિસ્તાન ક્રિકેટ બોર્ડ એટલે કે PCB એ આગામી T20 વર્લ્ડ કપ 2026 માટે પાકિસ્તાન T20 ટીમની જાહેરાત કરી છે. છેલ્લા T20 વર્લ્ડ કપમાં પાકિસ્તાનનું પ્રદર્શન નિરાશાજનક હતું, ટીમ ગ્રુપ સ્ટેજમાંથી જ બહાર થઈ ગઈ હતી. આવી સ્થિતિમાં આ વર્લ્ડ કપ માટે પાકિસ્તાનની ટીમમાં 7 મોટા કેપ્ટન બદલાવ કરવામાં આવ્યા છે. બાબર આઝમ જેવા વરિષ્ઠ ખેલાડીઓને ટીમમાં રાખવામાં આવ્યા છે, જ્યારે મોહમ્મદ રિઝવાન અને હરિસ રઉફ જેવા ખેલાડીઓને બહારનો રસ્તો દેખાડવામાં આવ્યો છે.
આઝમ ખાન, હરિસ રૌફ, ઇફ્તિખાર અહેમદ, ઇમાદ વસીમ, મોહમ્મદ અબ્બાસ આફ્રિદી, મોહમ્મદ આમિર અને મોહમ્મદ રિઝવાનને આ વખતે પાકિસ્તાનની T20 વર્લ્ડ કપ ટીમમાં સ્થાન મળ્યું નથી. આ તમામ 2024 વર્લ્ડ કપ ટીમનો ભાગ હતા.
સલમાન અલી આગા, ફહીમ અશરફ, ખ્વાજા મોહમ્મદ નાફે, મોહમ્મદ નવાઝ, મોહમ્મદ સલમાન મિર્ઝા, સાહિબજાદા ફરહાન અને ઉસ્માન તારિકને T20 વર્લ્ડ કપ 2026ની ટીમમાં સામેલ કરવામાં આવ્યા છે. સલમાન અલી આગા ટીમનું નેતૃત્વ કરશે.
