ધુરંધર ધ રિવેન્જ કલેક્શનઃ આદિત્ય ધરની સ્પાય થ્રિલર ફિલ્મ ‘ધુરંધરઃ ધ રિવેન્જ’ને લઈને બોક્સ ઓફિસ પર ભારે હલચલ મચી ગઈ છે. 19 માર્ચે ફિલ્મની ભવ્ય રજૂઆત પહેલાં, નિર્માતાઓએ 18 માર્ચ (બુધવાર) ના રોજ પેઇડ પ્રીવ્યુ શોનું આયોજન કર્યું હતું. આ શો પસંદગીના શહેરોમાં મર્યાદિત સ્ક્રીન પર સાંજના સમયે શરૂ થાય છે, તેથી તેને દિવસ 0 માનવામાં આવે છે. ચાલો જાણીએ કે રણવીર સિંહની આ સ્પાય થ્રિલરે 0 દિવસે કેટલા કરોડની કમાણી કરી છે.
દિવસ 0 બોક્સ ઓફિસ કલેક્શન
સેકનિલ્કના રિપોર્ટ અનુસાર, ‘ધુરંધર ધ રિવેન્જ’એ પેઇડ પ્રિવ્યૂના દિવસે 44 કરોડ રૂપિયાનું કલેક્શન કર્યું છે.
દિવસ 1 નું એડવાન્સ બુકિંગ
શરૂઆતના દિવસ માટે એડવાન્સ બુકિંગનો અહેવાલ પણ સામે આવ્યો છે. 19 માર્ચની 9.50 લાખથી વધુ ટિકિટ વેચાઈ છે. આ ટિકિટોના એડવાન્સ બુકિંગ દ્વારા ‘ધુરંધર 2’એ 40.30 કરોડ રૂપિયાની કમાણી કરી છે.
100 કરોડનો આંકડો
જો પેઇડ પ્રીવ્યૂ (44 કરોડ)ના કલેક્શન અને પહેલા દિવસે એડવાન્સ બુકિંગ (40.30 કરોડ)ની કમાણી ઉમેરવામાં આવે તો, ફિલ્મ તેની રિલીઝ પહેલા જ 84 કરોડથી વધુનો બિઝનેસ કરી ચૂકી છે. હવે એ જોવાનું રસપ્રદ રહેશે કે ફિલ્મ રાત સુધીમાં 100 કરોડનો આંકડો પાર કરે છે કે નહીં.
