મુંબઈઃ મુંબઈના જોઈન્ટ ડેપ્યુટી રજિસ્ટ્રાર ઈશ્વર દેવાસી સસ્પેન્ડ કરવામાં આવ્યા છે. મહેસૂલ મંત્રી ચંદ્રશેખર બાવનકુળેએ ગઈકાલે (બુધવારે) વિધાનસભામાં આ જાહેરાત કરી હતી. દેવાસી પર 3 કરોડ 82 લાખ રૂપિયાની સ્ટેમ્પ ડ્યુટીની ચોરી કરવાનો અને ગેરકાયદેસર રીતે નોંધણી કરવાનો આરોપ છે.
મંત્રી બાવનકુળેએ સ્પષ્ટ કર્યું કે આ મામલે વિભાગીય તપાસ આગામી ત્રણ મહિનામાં પૂર્ણ કરવામાં આવશે. આ પછી દોષિતો સામે કડક કાર્યવાહી કરવામાં આવશે. દેવાસી સામે કડક કાયદાકીય કાર્યવાહી કરવામાં આવશે. સરકાર આ મામલે ફોજદારી કેસ દાખલ કરવાનું પણ વિચારી રહી છે. આ કેસ સંબંધિત પ્રોપર્ટીની બજાર કિંમત 100 કરોડ રૂપિયાની આસપાસ છે. સ્ટેમ્પ ડ્યુટી વસૂલવા સાથે વહીવટી કાર્યવાહી પણ શરૂ કરવામાં આવી છે.
ધારાસભ્ય રત્નાકર ગુટ્ટે ગૃહમાં આ મુદ્દો ઉઠાવ્યો હતો. તેણે આરોપ લગાવ્યો કે દેવસીએ પોતાના પદનો દુરુપયોગ કરીને સ્ટેમ્પ ડ્યુટી વસૂલ્યા વિના જુહુમાં ખોટી રીતે પ્રોપર્ટીની નોંધણી કરાવી હતી.
