વિજયની ફિલ્મ જન નાયકન બાદ હવે રજનીકાંતની ફિલ્મ જેલર 2નો એક વીડિયો વાયરલ થયો છે. રજનીકાંતની ફિલ્મની કેટલીક ક્લિપ્સ ઓનલાઈન લીક થઈ છે. ફિલ્મના ઓનલાઈન લીકની જાણ થતાં જ પ્રોડક્શન હાઉસ સન પિક્ચર્સે તરત જ ચેતવણી આપી હતી કે તેઓ કાનૂની કાર્યવાહી કરશે. જો કોઈ ચાહક આવું કરશે તો તેની સામે પણ કાર્યવાહી કરવામાં આવશે.
વીડિયો હવે હટાવી દેવામાં આવ્યો છે
તમને જણાવી દઈએ કે ફિલ્મના સેટ પરથી કેટલીક ક્લિપ્સ સોશિયલ મીડિયા પર લીક થઈ હતી. ઘણા ચાહકોએ તેને આગળ પણ વાયરલ કર્યો. પરંતુ રિપોર્ટ બાદ મેકર્સે દરેક પેજ પરથી તે ક્લિપ હટાવી દીધી હતી.
મેકર્સે કડક કાર્યવાહીની ચેતવણી આપી છે
સન પિક્ચર્સના પ્રવક્તાએ એક નિવેદન બહાર પાડ્યું જેમાં લખ્યું હતું કે, “અમે દરેકને જણાવવા માંગીએ છીએ કે જેલર 2 ના સેટમાંથી કેટલીક વિડિયો ક્લિપ્સ વાયરલ થઈ છે અને સોશિયલ મીડિયા પ્લેટફોર્મ પર શેર કરવામાં આવી રહી છે. અમારી એન્ટિ-પાયરસી ટીમે ક્લિક હટાવી દીધી છે અને જેણે પણ આ કર્યું તેની સામે કડક કાર્યવાહી કરવામાં આવશે.
જન નાયકનની એચડી પ્રિન્ટ લીક થઈ હતી
તમને જણાવી દઈએ કે આ પહેલા વિજયની ફિલ્મ જન નાયકનની કેટલીક HD પ્રિન્ટ એક્સ (ટ્વિટર), ઈન્સ્ટાગ્રામ અને યુટ્યુબ પર લીક થઈ હતી. ચેન્નાઈ પોલીસે આ કેસમાં અત્યાર સુધીમાં 9 લોકોની ધરપકડ કરી છે. આ ધરપકડો ગુરુવારે થઈ હતી અને સાયબર ક્રાઈમ વિભાગે એક નિવેદન જારી કરીને જણાવ્યું હતું કે મુખ્ય આરોપી અન્ય ફિલ્મનો ફ્રીલાન્સ આસિસ્ટન્ટ એડિટર હતો.
