ઈરાન અને અમેરિકા વચ્ચે યુદ્ધવિરામની મધ્યસ્થી કરીને પોતાનો પ્રભાવ સ્થાપિત કરવાનો પ્રયાસ કરી રહેલા પાકિસ્તાનને UAE એક પછી એક ફટકો આપી રહ્યું છે. પહેલા UAEએ પાકિસ્તાનને તેની 3 બિલિયન ડોલરની લોન પરત કરવા કહ્યું અને હવે એતિહાદ એરલાઈન્સે 15 પાકિસ્તાની કર્મચારીઓને નોટિસ આપ્યા વગર કાઢી મુક્યા છે. એરલાઈન્સે આ માટે કોઈ ઔપચારિક પ્રક્રિયા પણ અપનાવી ન હતી. આ કર્મચારીઓને સીધા ઇમિગ્રેશન ઓફિસમાં બોલાવવામાં આવ્યા હતા અને 48 કલાકમાં દેશ છોડી દેવા માટે કહેવામાં આવ્યું હતું.
સીએનએન ન્યૂઝ 18ના અહેવાલ મુજબ, એતિહાદ એરલાઈન્સે આ કર્મચારીઓને બહાર કાઢવા માટે ખૂબ જ ઉતાવળથી કામ કર્યું. એચઆરએ કોઈ નોટિસ પણ આપી ન હતી અને સીધો જ દેશ છોડવાનો આદેશ આપવામાં આવ્યો હતો. આ પછી UAEમાં રહેતા પાકિસ્તાનીઓમાં પણ ભય ફેલાયો છે. બરતરફ કરાયેલા 15 કર્મચારીઓમાંથી કેટલાક ઘણા વરિષ્ઠ છે. તેમાંથી એક 20 વર્ષથી એતિહાદ સાથે કામ કરી રહ્યો હતો. હવે આ કર્મચારીઓ પર તેમના પરિવારજનો સાથે 2 દિવસમાં દેશ છોડવાનું દબાણ છે.
એતિહાદે શું કહ્યું?
આ મામલે એતિહાદ એરલાઈન્સ તરફથી કોઈ નિવેદન આવ્યું નથી. જો કે, એરલાઇન્સમાં છટણી ખૂબ જ સામાન્ય છે. નિષ્ણાતો કહે છે કે નોકરીમાંથી છૂટા થવું અને દેશ છોડવાનો આદેશ આપવો એ બે અલગ બાબતો છે. આ કારણે UAE અને પાકિસ્તાન વચ્ચે વધેલો તણાવ સ્પષ્ટપણે જોઈ શકાય છે.
ઉલ્લેખનીય છે કે પાકિસ્તાન અને UAE વચ્ચેના સંબંધો છેલ્લા કેટલાક સમયથી વણસેલા છે. આનું મુખ્ય કારણ એ છે કે બંને જૂથ અલગ છે. તુર્કી અને સાઉદી અરેબિયા સાથે પાકિસ્તાનની નિકટતા વધી છે. જ્યારે UAEનું વલણ ઈઝરાયેલ તરફ છે. માનવામાં આવે છે કે આ કારણે UAE પાકિસ્તાનને ઝટકો આપી રહ્યું છે અને તેની લોન પરત કરવાની માંગ પણ કરી રહ્યું છે.
વડાપ્રધાન આવતા મહિને UAEની મુલાકાત લઈ શકે છે
આગામી મહિને વડાપ્રધાન નરેન્દ્ર મોદી નેધરલેન્ડ, સ્વીડન, નોર્વે અને ઈટાલીની મુલાકાત લેશે. એવું માનવામાં આવે છે કે વડાપ્રધાન મોદી તેમના યુરોપીયન પ્રવાસની શરૂઆતમાં અથવા અંતમાં સંયુક્ત આરબ અમીરાત (UAE)ની ટૂંકી મુલાકાત લઈ શકે છે. જો કે વડાપ્રધાનના યુરોપ પ્રવાસને લઈને હજુ સુધી કોઈ સત્તાવાર જાહેરાત કરવામાં આવી નથી.
