માથાસુલિયા ગામે રહેતા જગતસિંહ ભાથીસિંહ પરમાર શુક્રવારે રાત્રે પોતાના ઘરના પરિવારજનો સાથે આગળ ઓસરીમાં સૂઈ રહ્યા હતા
હિંમતનગરના માથાસુલિયા ગામે તસ્કરો ત્રાટક્યા, ૮.૦૪ લાખની ચોરી
હિંમતનગર, હિંમતનગર તાલુકાના માથાસુલિયા ગામે શુક્રવારે રાત્રે ઘરના પરિવારજનો આગળ ઓસરીમાં સુતા હતા ત્યારે તસ્કર ટોળકીએ ઘરના પાછળના ભાગે રસોડાની લોખંડની જાળીના સળિયા તોડી અંદર પ્રવેશ કરી સોના-ચાંદીના દાગીના અને રોકડ મળી ૮ લાખની મત્તાની ચોરી કરી લઇ ગયા હતા. આ અંગે ગાંભોઈ પોલીસ સ્ટેશને ફરિયાદ નોંધાઈ હતી. માથાસુલિયા ગામે રહેતા જગતસિંહ ભાથીસિંહ પરમાર શુક્રવારે રાત્રે પોતાના ઘરના પરિવારજનો સાથે આગળ ઓસરીમાં સૂઈ રહ્યા હતા.
આ દરમિયાન તસ્કરોએ જૂના પતરાવાળા મકાનમાં પાછળના ભાગે આવેલા રસોડામાં લગાવેલા લોખંડના સળીયા વાળી જાડી તોડી ઘરમાં પ્રવેશ કર્યાે હતો. તસ્કરોએ લોખંડની તીજોરીમાં મુકેલી એક જોડ હાઠો ચાંદીની આશરે ૫૦૦ ગ્રામ કિં.રૂ.૫૦,૦૦૦, એક જોડ ચાંદીના છડા આશરે ૨૦૦ ગ્રામ કિં.રૂ.૨૦,૦૦૦, સોનાનુ લોકીટ આશરે એક તોલાનું કિં.રૂ.૧,૧૦,૦૦૦, સોનાનો દોરા નંગ ૨ એક-એક તોલાના બંન્નેની કિં.રૂ.૨,૨૦,૦૦૦, સોનાની વીંટી નંગ-૨ આશરે છ ગ્રામની કિં.રૂ.૬૦,૦૦૦ની તેમજ નાના દીકરાના લગ્ન વખતે તેની સાસરીમાંથી તેની પત્નીને કરિયાવરમાં દાગીનામાં આશરે એક જોડ કડલા ચાંદીના આશરે ૫૦૦ ગ્રામ કિં.રૂ.૫૦,૦૦૦, એક જોડ ચાંદીના છડા આશરે ૨૦૦ ગ્રામ કિં.રૂ.૨૦,૦૦૦, સોનાનું લોકીટ આશરે એક તોલાનું કિં.રૂ.૧,૧૦,૦૦૦,સોનાની વીંટી નંગ-૨ આશરે છ ગ્રામની કિં.રૂ.૬૦,૦૦૦ તથા સોનાની બુટ્ટી નંગ-૪ આશરે આઠ ગ્રામ કિં.રૂ.૮૦,૦૦૦ તથા રોકડા રૂપિયા ૨૪ હજાર મળી કુલ રૂ.૮,૦૪,૦૦૦ મત્તાની લોખંડની તીજોળીમાંથી ચોરી થઇ હતી. આ અંગે ગાંભોઈ પોલીસ મથકે ફરિયાદ નોંધાવતાં પોલીસે ચોરીનો ગુનો નોધી એલસીબી સહીત વિવિધ એજન્સીઓની મદદથી તપાસ હાથ ધરી છે.SS1
