ઇન્ટરનેશનલ ક્રિકેટ કાઉન્સિલ (ICC) એ બુધવારે પુરુષોની T20 ખેલાડીઓની નવીનતમ રેન્કિંગ જાહેર કરી છે. રેન્કિંગમાં પાકિસ્તાનના ઘણા ખેલાડીઓને ફાયદો થયો છે. પાકિસ્તાનના સ્ટાર બેટ્સમેન બાબર આઝમે શુભમન ગિલની બરાબરી કરી લીધી છે. તે 9 સ્થાનની છલાંગ લગાવીને સંયુક્ત 30માં સ્થાને પહોંચી ગયો છે. બાબરના 563 રેટિંગ પોઈન્ટ છે. ભારતીય T20 ટીમના વાઇસ કેપ્ટન ગિલ અને ન્યુઝીલેન્ડના ફિન એલનના ખાતામાં પણ 563 પોઈન્ટ છે. બાબરે તાજેતરમાં જ દક્ષિણ આફ્રિકા સામેની ત્રણ મેચની ઘરઆંગણે ટી20 શ્રેણીમાં કુલ 86 રન બનાવ્યા હતા, જેમાં એક અડધી સદી સામેલ હતી. પાકિસ્તાને આ શ્રેણી 2-1થી જીતી લીધી હતી.
પાકિસ્તાનના સુકાની સલમાન આગા (10 સ્થાન ઉપરથી 54માં સ્થાને) અને સૈમ અયુબ (10 સ્થાન આગળ વધીને 39મા ક્રમે) આવ્યા છે. વેસ્ટ ઈન્ડિઝના કેપ્ટન શાઈ હોપ (બે સ્થાન ઉપરથી 12માં સ્થાને), બાંગ્લાદેશના ડાબા હાથના બેટ્સમેન તંજીદ હસન (20 સ્થાન ઉપરથી 17માં સ્થાને), અફઘાનિસ્તાનના રહેમાનુલ્લાહ ગુરબાઝ (ત્રણ સ્થાન ઉપરથી 15મા સ્થાને) અને ઈબ્રાહિમ ઝદરાન (છ સ્થાન ઉપરથી 20મા સ્થાને) તેમની રેન્કિંગમાં સુધારો થયો છે. અભિષેક શર્મા ભારતનો નંબર-1 T20 બેટ્સમેન છે. તેને 925 માર્કસ છે. ઓસ્ટ્રેલિયા સામે ચાલી રહેલી પાંચ મેચની T20 શ્રેણીની ત્રણ મેચમાં અભિષેકે 112 રન બનાવ્યા છે.
આ સાથે જ ભારતીય સ્પિનર વરુણ ચક્રવર્તીનું સિંહાસન પણ અકબંધ છે. તે 799 પોઈન્ટ સાથે નંબર-1 T20 બોલર છે. બોલરોની યાદીમાં ઘણા ખેલાડીઓએ ગતિ પકડી છે. ઓસ્ટ્રેલિયન ફાસ્ટ બોલર જોશ હેઝલવુડ બે સ્થાનના ફાયદા સાથે 10મા સ્થાને પહોંચી ગયો છે. બાંગ્લાદેશના મુજીબ ઉર રહેમાન (13 સ્થાન ઉપરથી 14માં સ્થાને) અને મહેદી હસન (છ સ્થાન ઉપરથી 17માં સ્થાને), વેસ્ટ ઈન્ડિઝના જેસન હોલ્ડર (નવ સ્થાન ઉપરથી 23મા ક્રમે) અને રોસ્ટન ચેઝ (13 સ્થાન ઉપરથી 38મા ક્રમે)એ પણ તેમની રેન્કિંગમાં સુધારો કર્યો છે.
ઝિમ્બાબ્વેના સિકંદર રઝા (32 સ્થાન ઉપરથી 33માં સ્થાને) અને દક્ષિણ આફ્રિકાના ઝડપી બોલર કોર્બિન બોશ (15 સ્થાન ઉપરથી 38માં સ્થાને) આગળ વધ્યા છે. બોશ પાકિસ્તાન શ્રેણીમાં સૌથી વધુ વિકેટ લેનાર બોલર હતો. ઓલરાઉન્ડરોની યાદીમાં રઝા (ત્રણ સ્થાન ઉપરથી બીજા સ્થાને) અને ચેઝ (છ સ્થાન ઉપરથી ત્રીજા સ્થાને)નો પણ ફાયદો થયો છે. સૈમ અયુબ નંબર-1 T20 ઓલરાઉન્ડર છે. ભારતનો સ્ટાર ઓલરાઉન્ડર હાર્દિક પંડ્યા ચોથા નંબર પર છે.
