આદિત્ય ધર દ્વારા નિર્દેશિત ફિલ્મ ધુરંધર 5 ડિસેમ્બરે રિલીઝ થઈ રહી છે. ટ્રેલર બહાર આવ્યા પછી, સોશિયલ મીડિયા પર જોરદાર ધૂમ મચી ગઈ હતી. એવી અફવા છે કે આ ફિલ્મ સાચી ઘટનાઓથી પ્રેરિત છે. તેમાં દર્શાવવામાં આવેલા પાત્રોને પણ વાસ્તવિક જીવનના પાત્રો જેવા જ લેવામાં આવ્યા છે. ફિલ્મમાં કેટલાક નામ રિયલ પણ રાખવામાં આવ્યા છે. જેમ કે સંજય દત્તની એસપી ચૌધરી અસલમની ભૂમિકા અને અક્ષય ખન્નાની રહેમાન ડાકુની ભૂમિકા. અર્જુન રામપાલે મેજર ઈકબાલનો રોલ કર્યો છે. એવું કહેવામાં આવી રહ્યું છે કે તેનું પાત્ર ઇલ્યાસ કાશ્મીરી જેવું જ છે. ફિલ્મની કાસ્ટિંગની સોશિયલ મીડિયા પર ખૂબ પ્રશંસા થઈ રહી છે.
અર્જુન રામપાલ- મેજર ઈકબાલ
ફિલ્મના ટ્રેલરની શરૂઆતમાં અર્જુન રામપાલ દેખાય છે. તેમનું પાત્ર મેજર ઇકબાલ – એન્જલ ઓફ ડેથ ટેગ લાઇન સાથે બતાવવામાં આવ્યું છે. અર્જુન રામપાલનું કહેવું છે કે, 1971ના યુદ્ધ બાદ પાકિસ્તાનમાં ખૂબ જ ઉદાસીન વાતાવરણ હતું. હું 6 વર્ષનો હતો. રેડિયો સાંભળતો હતો. તે સમયે ઝિયાઉલ હકે કંઈક એવું કહ્યું જે મારા મગજમાં છવાઈ ગયું, હજારો કટ સાથે ભારતને બ્લીડ કરો. આ પછી એક ભયાનક દ્રશ્ય બતાવવામાં આવ્યું છે. આ 1999ના કારગિલ યુદ્ધમાં ભારતીય સૈનિકો પર પાકિસ્તાની સેના દ્વારા કરવામાં આવેલા ત્રાસની યાદ અપાવે છે. એવા અહેવાલો છે કે અર્જુન રામપાલનો રોલ ઇલ્યાસ કાશ્મીરીથી પ્રેરિત છે. તે ભારતીય સુરક્ષા એજન્સીઓ દ્વારા મોસ્ટ વોન્ટેડ રહ્યો છે.
અક્ષય ખન્ના- રહેમાન ડાકુ
અક્ષય ખન્ના રહેમાન ડાકુની ભૂમિકામાં છે. તેને એપેક્સ પ્રિડેટરનું ટેગ મળ્યું છે. વાસ્તવમાં રહેમાન ડાકુટ બલોચ કરાચીનો ખૂબ જ કુખ્યાત ગુનેગાર રહ્યો છે. એસએસપી ચૌધરી અસલમે તેને પોલીસ એન્કાઉન્ટરમાં માર્યો હતો. તેના કાળા કારનામાઓની યાદી ઘણી લાંબી હતી. કહેવાય છે કે જ્યારે રહેમાન નાનો હતો ત્યારે તેણે તેની માતા ખાદીજા બીબીની હત્યા કરી હતી.
