ઓસ્ટ્રેલિયા અને ઈંગ્લેન્ડ વચ્ચે રમાનારી ‘એશિઝ 2025’ શુક્રવાર 21 નવેમ્બરથી શરૂ થઈ રહી છે. શ્રેણીની પ્રથમ મેચ પર્થમાં રમાશે અને યજમાન ઓસ્ટ્રેલિયાએ આ ટેસ્ટ મેચ માટે તેની પ્લેઈંગ ઈલેવનની જાહેરાત કરી છે. પેટ કમિન્સ તેની ઈજામાંથી સંપૂર્ણ રીતે બહાર આવ્યો નથી, જેના કારણે સ્ટીવ સ્મિથ આ ટેસ્ટ મેચમાં ઓસ્ટ્રેલિયન ટીમની કમાન સંભાળશે. ઓસ્ટ્રેલિયન ક્રિકેટમાં 15 વર્ષ પછી આવું બની રહ્યું છે જ્યારે બે ખેલાડીઓને એકસાથે ડેબ્યૂ કરવાનો મોકો મળી રહ્યો છે. જેક વેધરલ્ડ અને બ્રેન્ડન ડોગેટ ઈંગ્લેન્ડ સામેની પ્રથમ ટેસ્ટમાં ડેબ્યૂ કરવા જઈ રહ્યા છે.
ઓસ્ટ્રેલિયન ક્રિકેટમાં છેલ્લી વખત આવું 2010-11માં થયું હતું, જ્યારે બે ખેલાડીઓને મેચમાં ડેબ્યૂ કરવાની તક મળી હતી. તે સમયે ઉસ્માન ખ્વાજા અને માઈકલ બીયર એકસાથે ડેબ્યુ કર્યું હતું.
ઈંગ્લેન્ડ સામેની પ્રથમ ટેસ્ટ માટે ઓસ્ટ્રેલિયા ઈલેવન: ઉસ્માન ખ્વાજા, જેક વેધરલ્ડ, માર્નસ લેબુશેન, સ્ટીવ સ્મિથ (સી), ટ્રેવિસ હેડ, કેમેરોન ગ્રીન, એલેક્સ કેરી (wk), મિશેલ સ્ટાર્ક, નાથન લિયોન, બ્રેન્ડન ડોગેટ, સ્કોટ બોલેન્ડ.
2022માં ટેસ્ટ ટીમમાં પરત ફર્યા બાદ વેધરલ્ડ ઉસ્માન ખ્વાજાનો 7મો ઓપનિંગ પાર્ટનર હશે. ડાબા હાથના વેથરાલ્ડ, 31, ગયા ઉનાળામાં શેફિલ્ડ શીલ્ડમાં સૌથી વધુ રન બનાવનાર ખેલાડી હતા.
