ઓસ્ટ્રેલિયાએ શનિવારે પાંચ ટેસ્ટ મેચની એશિઝ શ્રેણીમાં ઈંગ્લેન્ડ સામે 1-0થી લીડ મેળવી લીધી છે. ઓસ્ટ્રેલિયાએ પર્થમાં રમાયેલી મેચમાં ઈંગ્લેન્ડને આઠ વિકેટે હરાવ્યું હતું. બીજી ઈનિંગમાં ઈંગ્લેન્ડને 164 રનમાં ઓલઆઉટ કર્યા બાદ યજમાન ઓસ્ટ્રેલિયાએ 28.2 ઓવરમાં 205 રનનો ટાર્ગેટ સરળતાથી મેળવી લીધો હતો. ઓપનર ટ્રેવિડ હેડે શાનદાર સદી ફટકારી હતી. તેણે 83 બોલમાં 16 ચોગ્ગા અને ચાર છગ્ગાની મદદથી 123 રન બનાવ્યા હતા. માર્નસ લાબુશેને અણનમ 51 રન બનાવ્યા હતા. મેચનું પરિણામ માત્ર બે દિવસમાં આવી ગયું. પ્રથમ દિવસે 19 વિકેટ પડી હતી જ્યારે બીજા દિવસે 13 વિકેટ પડી હતી.
એશિઝમાં અદ્ભુત ઈતિહાસ રચાયો
હરીફ ઓસ્ટ્રેલિયા અને ઈંગ્લેન્ડ વચ્ચેની ટેસ્ટ શ્રેણીને એશિઝ કહેવામાં આવે છે. આ હરીફાઈ 125 વર્ષથી પણ જૂની છે. વર્તમાન એશિઝમાં પર્થ ટેસ્ટ બે દિવસમાં ખતમ થઈ જતાં આશ્ચર્યજનક ઈતિહાસ રચાયો છે. હકીકતમાં, છેલ્લા 100 વર્ષમાં પ્રથમ વખત, કોઈપણ એશિઝ ટેસ્ટ બે દિવસમાં સમાપ્ત થઈ છે. અગાઉ, વર્ષ 1921માં, એશિઝ મેચ બે દિવસમાં પૂર્ણ થઈ હતી, જે નોટિંગહામના મેદાન પર રમાઈ હતી. તમને જણાવી દઈએ કે બેન સ્ટોક્સે સુકાનીપદ સંભાળ્યા બાદ અને બ્રેન્ડન મેક્કુલમ હેડ કોડ બન્યા બાદ ઈંગ્લેન્ડને છ પ્રયાસોમાં પ્રથમ વખત ઘરથી દૂર ટેસ્ટ શ્રેણીની પ્રથમ ટેસ્ટમાં હારનો સામનો કરવો પડ્યો હતો.
એશિઝ ટેસ્ટ બે દિવસમાં સમાપ્ત થશે
લોર્ડ્સ 1888
ઓવલ 1888
માન્ચેસ્ટર 1888
