ભારત અને દક્ષિણ આફ્રિકા વચ્ચે ચાલી રહેલી ત્રણ મેચોની વનડે શ્રેણીની ત્રીજી અને છેલ્લી મેચ વિશાખાપટ્ટનમમાં રમાઈ રહી છે. મેચ શરૂ થાય તે પહેલા જ ભારતીય ક્રિકેટ ચાહકોને એક મોટા ખુશખબર મળ્યા છે. ભારતીય ટીમે સતત 20 ODI મેચમાં ટોસ હાર્યા બાદ આખરે ટોસ જીતી લીધી છે. આ મેચમાં ભારતીય ટીમના કેપ્ટન કેએલ રાહુલે ટોસ જીતીને પ્રથમ બોલિંગ કરવાનો નિર્ણય લીધો છે. ભારતે છેલ્લીવાર બે વર્ષ પહેલા ODI વર્લ્ડ કપ 2023ની ફાઇનલમાં ટોસ જીત્યો હતો. ત્યારપછી ટીમ ઈન્ડિયાએ 21મી મેચમાં ટોસ જીતી છે.
કેએલ રાહુલે કમનસીબ રેકોર્ડ તોડ્યો
સતત 20 વખત ટોસ હાર્યા બાદ ભારતે ODI મેચોમાં આખરે ટોસ જીત્યો છે. આ પહેલા કોઈ ટીમે આટલી ખરાબ પરિસ્થિતિનો સામનો કર્યો ન હતો. ભારતીય ટીમનો ટોસ હારવાનો સિલસિલો 2023 ODI વર્લ્ડ કપની ફાઈનલથી શરૂ થયો હતો અને 2 વર્ષથી વધુ સમય પછી પણ તેનો અંત આવવાના કોઈ સંકેત દેખાતા નથી. રોહિત શર્મા પછી શુબમન ગિલ કેપ્ટન બન્યો, પરંતુ ખરાબ નસીબનો અંત ન આવ્યો.
ત્યારબાદ ગીલની ગેરહાજરીમાં કેએલ રાહુલે દક્ષિણ આફ્રિકા સામેની ODI શ્રેણીમાં ટીમની કમાન સંભાળી હતી, પરંતુ તે પ્રથમ બે મેચમાં ટોસ પણ હારી ગયો હતો. ODIમાં સતત 20 ટોસ હારવાનો શરમજનક રેકોર્ડ ભારતના નામે થયો. જો કે હવે ત્રીજી વનડેમાં કેપ્ટન રાહુલે ટોસ જીતીને આ ખરાબ રેકોર્ડ તોડી નાખ્યો છે. ટોસ જીત્યા બાદ રાહુલ ઘણો ખુશ દેખાઈ રહ્યો હતો.
IND vs SA ત્રીજી ODI માટે બંને ટીમોની પ્લેઇંગ XI
ભારત: રોહિત શર્મા, યશસ્વી જયસ્વાલ, વિરાટ કોહલી, રુતુરાજ ગાયકવાડ, તિલક વર્મા, કેએલ રાહુલ (વિકેટકીપર/કેપ્ટન), રવીન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, પ્રસિદ્ધ કૃષ્ણ.
દક્ષિણ આફ્રિકા: રેયાન રિકલ્ટન, ક્વિન્ટન ડી કોક (wk), ટેમ્બા બાવુમા (c), મેથ્યુ બ્રેટ્ઝકે, Aiden Markram, Dewald Brewis, Marco Johnson, Corbin Bosch, Keshav Maharaj, Lungi Ngidi, Otniel Bartman.
