ન્યૂઝીલેન્ડે વેલિંગ્ટન ટેસ્ટમાં વેસ્ટ ઈન્ડિઝને 9 વિકેટે હરાવીને 3 મેચની શ્રેણીમાં 1-0ની અજેય સરસાઈ મેળવી લીધી છે. પ્રથમ ટેસ્ટ ડ્રો રહી હતી. બીજી ટેસ્ટ માત્ર 3 દિવસમાં પૂરી થઈ ગઈ. ત્રીજા દિવસે જેકબ દુબીની ઘાતક બોલિંગ સામે વેસ્ટ ઈન્ડિઝનો બીજો દાવ માત્ર 124 રનમાં સમેટાઈ ગયો હતો. આ રીતે ન્યૂઝીલેન્ડને જીતવા માટે માત્ર 52 રનનો ટાર્ગેટ મળ્યો હતો જે તેણે માત્ર 1 વિકેટ ગુમાવીને હાંસલ કરી લીધો હતો. જેકબ ડફીને પ્લેયર ઓફ ધ મેચ જાહેર કરવામાં આવ્યો હતો.
વેલિંગ્ટન ટેસ્ટમાં વેસ્ટ ઈન્ડિઝે તેના પ્રથમ દાવમાં 205 રન બનાવ્યા હતા. જોન કેમ્પબેલે 44 રન અને શે હોપે 47 રનનું યોગદાન આપ્યું હતું. ન્યુઝીલેન્ડ તરફથી પ્રથમ દાવમાં બ્લેર ટિકનરે 4, માઈકલ રેએ 3, જેકબ ડફી અને ગ્લેન ફિલિપ્સે 1-1 વિકેટ લીધી હતી.
ન્યૂઝીલેન્ડે 9 વિકેટના નુકસાને 278 રન બનાવી પ્રથમ દાવ ડિકલેર કર્યો હતો. ફિલ્ડિંગ દરમિયાન ઈજાગ્રસ્ત થયેલા બ્લેર ટિકનર બેટિંગ કરી શક્યા ન હતા. નવોદિત મિચેલ હેએ સૌથી વધુ 61 રન અને ડેવોન કોનવેએ 60 રન બનાવ્યા હતા. આ રીતે ન્યૂઝીલેન્ડને પ્રથમ દાવના આધારે 73 રનની મહત્વની લીડ મળી હતી.
વેસ્ટ ઈન્ડિઝ તેની બીજી ઈનિંગમાં માત્ર 128 રનમાં સમેટાઈ ગઈ હતી. જેકબ ડફીની શાર્પ બોલિંગ સામે મુલાકાતી બેટ્સમેનો લાચાર દેખાતા હતા. માત્ર કાવેમ હોજ જ થોડી બેટિંગ કરી શક્યો હતો. તેણે 35 રન બનાવ્યા હતા. વેસ્ટ ઈન્ડિઝની બીજી ઈનિંગમાં ન્યૂઝીલેન્ડના બોલર જેકબ ડફીએ 48 રનમાં 5 વિકેટ ઝડપી હતી. માઈકલ રેએ 3 અને જેક ફોક્સે 1 વિકેટ લીધી હતી.
ન્યૂઝીલેન્ડને તેના બીજા દાવમાં જીતવા માટે માત્ર 52 રનનો ટાર્ગેટ મળ્યો હતો. તેઓએ માત્ર કેપ્ટન ટોમ લાથમની વિકેટ ગુમાવીને 10 ઓવરમાં લક્ષ્ય હાંસલ કરી લીધું હતું. ડેવોન કોનવે 28 રને અને કેન વિલિયમસન 16 રન બનાવીને અણનમ રહ્યા હતા.
