વિરાટ કોહલીનો અચાનક યુ-ટર્ન? રેલ્વે સામે નથી રમી રહ્યો, કોચ પણ…

ભારતીય ટીમના સિનિયર બેટ્સમેન વિરાટ કોહલી વિજય હજારે ટ્રોફી 2025-26ની ગ્રૂપ ડી મેચમાં દિલ્હી તરફથી રેલવે સામે રમી રહ્યો નથી. દિલ્હીની ટીમના મુખ્ય કોચ સરનદીપ સિંહે પહેલાથી જ આની પુષ્ટિ કરી હતી અને હવે મંગળવારે દિલ્હી સામેની મેચમાં, રેલવેએ ટોસ જીતીને પ્રથમ બેટિંગ કરવાનું પસંદ કર્યું હતું. કોહલી પ્લેઇંગ-11માં પણ જોવા મળ્યો ન હતો. રિષભ પંત ટીમની કમાન સંભાળી રહ્યો છે. જો કે, થોડા સમય પહેલા એ વાતની પુષ્ટિ થઈ હતી કે કોહલી વિજય હજારેની વધુ એક મેચ અને સંભવતઃ 6 જાન્યુઆરીની મેચ રમશે.

રેલ્વે (પ્લેઇંગ-11): અંશ યાદવ, પ્રથમ સિંહ, સાહબ યુવરાજ, ઉપેન્દ્ર યાદવ (વિકેટકીપર), રાજ ચૌધરી, આશુતોષ શર્મા, કુશ મરાઠે, ઝુબેર અલી ખાન, કર્ણ શર્મા (કેપ્ટન), કુણાલ યાદવ, રાહુલ શર્મા.

દિલ્હી (પ્લેઇંગ-11): સાર્થક રંજન, પ્રિયાંશ આર્ય, નીતિશ રાણા, ઋષભ પંત (વિકેટકીપર/કેપ્ટન), આયુષ બદોની, તેજસ્વી દહિયા, હર્ષ ત્યાગી, હર્ષિત રાણા, પ્રિન્સ યાદવ, ઈશાંત શર્મા, નવદીપ સૈની.

રેલવે સામેની મેચના એક દિવસ પહેલા દિલ્હીના મુખ્ય કોચ અને ભૂતપૂર્વ ભારતીય સ્પિનર ​​સરનદીપ સિંહે કહ્યું હતું કે, ‘વિરાટ ઉપલબ્ધ નથી. પંત અને હર્ષિત આવતીકાલે રમશે. કોચના આ નિવેદન બાદ સ્પષ્ટ થઈ ગયું છે કે દિલ્હીને આ મહત્વની મેચમાં તેના સૌથી અનુભવી બેટ્સમેન વિના ઉતરવું પડશે.

વિરાટ કોહલી, ઋષભ પંત અને હર્ષિત રાણાને ભારત અને ન્યુઝીલેન્ડ વચ્ચે 11 જાન્યુઆરીથી શરૂ થનારી ત્રણ મેચની વનડે સીરીઝ માટે ભારતીય ટીમમાં પસંદ કરવામાં આવ્યા છે. આવી સ્થિતિમાં માનવામાં આવી રહ્યું છે કે કોહલી રાષ્ટ્રીય ટીમમાં સામેલ થવાની તૈયારી કરી રહ્યો છે અને તેથી જ તે આ વિજય હજારે ટ્રોફી મેચ રમી રહ્યો નથી.

વિરાટ કોહલી આ સિઝનમાં વિજય હજારે ટ્રોફીમાં માત્ર બે મેચ રમ્યો હતો, પરંતુ તેણે બંનેમાં શાનદાર પ્રદર્શન કર્યું હતું. કોહલીએ એક મેચમાં 131 રનની સદીની ઇનિંગ રમી હતી જ્યારે બીજી મેચમાં તેણે 77 રન બનાવ્યા હતા. તેનું પ્રદર્શન દર્શાવે છે કે તે ઘરેલું ક્રિકેટમાં પણ સંપૂર્ણ રીતે ફિટ અને ફોર્મમાં છે.

દિલ્હીની ટીમ અત્યારે પાંચ મેચમાં ચાર જીત સાથે ગ્રુપ-ડીમાં ટોપ પર છે. રેલવે સામેની જીત દિલ્હી માટે આગલા તબક્કા માટે ક્વોલિફાય કરવા માટે પૂરતી હશે. ઋષભ પંતની કેપ્ટનશિપ અને આ મેચમાં તેની સતત હાજરીને ટીમ માટે મોટો ફાયદો માનવામાં આવી રહ્યો છે.