અનુભવી ક્રિકેટર એશ્લે ગાર્ડનરનું માનવું છે કે ઓસ્ટ્રેલિયા મહિલા ક્રિકેટમાં હાલમાં સર્વશ્રેષ્ઠ ટીમ છે પરંતુ તેણે એમ પણ કહ્યું કે આગામી દાયકામાં વનડે વર્લ્ડ ચેમ્પિયન ભારતીય ટીમને હરાવવાનું ઘણું મુશ્કેલ હશે.
ગયા વર્ષે મહિલા વર્લ્ડ કપ સેમિફાઇનલમાં ભારત સામે હારેલી ઓસ્ટ્રેલિયન ટીમનો ભાગ રહેલા ગાર્ડનરે કહ્યું કે હરમનપ્રીત કૌરની ટીમના પ્રદર્શનમાં જબરદસ્ત સુધારો જોવા મળ્યો છે.
9 જાન્યુઆરીથી શરૂ થઈ રહેલી વુમન્સ પ્રીમિયર લીગમાં ગુજરાત જાયન્ટ્સ તરફથી રમી રહેલા ગાર્ડનરે કહ્યું, ‘ભારતીય ટીમ આગામી પાંચથી દસ વર્ષમાં એવી ટીમોમાંથી એક હશે જેને હરાવવી ખૂબ મુશ્કેલ હશે.’
તેણે કહ્યું, ‘ઓસ્ટ્રેલિયન હોવાને કારણે મને આનાથી ડર લાગે છે પરંતુ અહીં રમતનો ઝડપી વિકાસ જોઈને સારું લાગે છે.’
ગાર્ડનરનું માનવું છે કે મહિલા ક્રિકેટમાં ઓસ્ટ્રેલિયા હજુ પણ વિશ્વની સર્વશ્રેષ્ઠ ટીમ છે.
