ભારત અને ન્યુઝીલેન્ડ વચ્ચે રમાઈ રહેલી પ્રથમ વનડે મેચમાં વિરાટ કોહલીએ શાનદાર શરૂઆત કરી છે. તેણે 25 રન બનાવતાની સાથે જ મોટી સિદ્ધિ મેળવી લીધી છે. વિરાટ કોહલી હવે આંતરરાષ્ટ્રીય ક્રિકેટમાં 28000 રન બનાવનાર વિશ્વનો ત્રીજો બેટ્સમેન બની ગયો છે. આટલું જ નહીં, તેણે સૌથી ઓછી ઇનિંગ્સમાં આ રેકોર્ડ બનાવ્યો છે. એટલે કે વિરાટ કોહલી સૌથી ઝડપી 28000 આંતરરાષ્ટ્રીય રન બનાવનાર બેટ્સમેન છે.
વિરાટ કોહલીએ સચિન તેંડુલકરનો સૌથી ઝડપી 28000 રનનો રેકોર્ડ તોડી નાખ્યો છે. સચિન તેંડુલકરે 644 ઈન્ટરનેશનલ ઈનિંગ્સમાં 28 હજાર રન પૂરા કર્યા હતા, જ્યારે વિરાટ કોહલીએ માત્ર 624 ઈનિંગ્સમાં આ સિદ્ધિ મેળવી છે. અત્યાર સુધી માત્ર ત્રણ જ બેટ્સમેનો આંતરરાષ્ટ્રીય ક્રિકેટમાં 28000થી વધુ રનનો આંકડો પાર કરી શક્યા છે, જેમાં હવે સચિન તેંડુલકર અને કુમાર સંગાકારા સાથે વિરાટ કોહલીનું નામ પણ સામેલ છે.
વિરાટ કોહલીએ ઈનિંગના 42મા રન સાથે શ્રીલંકાના બેટ્સમેન કુમાર સંગાકારાને પણ પાછળ છોડી દીધો છે. તે હવે આંતરરાષ્ટ્રીય ક્રિકેટમાં સૌથી વધુ રન બનાવનાર વિશ્વનો બીજો બેટ્સમેન બની ગયો છે. તેના પહેલા માત્ર સચિન તેંડુલકરનું નામ છે.
સચિન તેંડુલકરે તેની કારકિર્દીમાં કુલ 34357 રન બનાવ્યા છે અને તે લાંબા સમય સુધી ટોચ પર છે. શ્રીલંકાના મહાન બેટ્સમેન કુમાર સંગાકર પણ ઘણા વર્ષોથી બીજા સ્થાને હતા. તેણે આંતરરાષ્ટ્રીય ક્રિકેટમાં 28016 રન બનાવ્યા હતા, જેને હવે વિરાટ કોહલીએ તોડી નાખ્યા છે. કોહલી હવે સંગાકારાને પાછળ છોડીને સૌથી વધુ રન બનાવનાર વિશ્વનો બીજો બેટ્સમેન બની ગયો છે. તેણે સંગાકરને ત્રીજા નંબર પર ધકેલી દીધો છે.
વિરાટ કોહલીની ખાસ વાત એ છે કે તેણે આ સિદ્ધિ બહુ ઓછી ઇનિંગ્સમાં હાંસલ કરી છે. એક તરફ, સંગાકારાએ કુલ 666 ઇનિંગ્સમાં 28000 રન બનાવ્યા હતા અને સચિને 644 ઇનિંગ્સમાં આ સિદ્ધિ મેળવી હતી, જ્યારે વિરાટ કોહલીએ માત્ર 624 ઇનિંગ્સમાં આ રેકોર્ડ બનાવ્યો છે.
