લગભગ એક વર્ષ બાદ પૂર્વોત્તર રાજ્ય મણિપુરમાંથી રાષ્ટ્રપતિ શાસન હટાવી લેવામાં આવ્યું છે. રાષ્ટ્રપતિએ રાજ્યપાલ અજય કુમાર ભલ્લાની ભલામણ પર આ આદેશ આપ્યો છે. આ સાથે જ ત્યાં નવી સરકારની રચનાનો રસ્તો સાફ થઈ ગયો છે. નેશનલ ડેમોક્રેટિક એલાયન્સ (NDA))એ પણ ત્યાં સરકાર બનાવવાનો દાવો કર્યો છે. હવે NDA ધારાસભ્ય દળના નેતા વાય ખેમચંદ સિંહ આજે (બુધવાર) સાંજે 6 વાગ્યે મણિપુરના મુખ્યમંત્રી તરીકે શપથ લેશે. રાજ્ય ભાજપે આ માહિતી આપી છે. શપથ ગ્રહણ સમારોહ ‘લોક ભવન’ ખાતે યોજાશે, જ્યાં સવારથી જ તૈયારીઓ ચાલી રહી છે.
ભાજપના મણિપુર યુનિટે એક પોસ્ટમાં જણાવ્યું હતું
ફેબ્રુઆરી 2025થી રાષ્ટ્રપતિ શાસન લાગુ હતું
આંતરરાષ્ટ્રીય સરહદ સાથે જોડાયેલા અશાંત મણિપુરમાં ગયા વર્ષે ફેબ્રુઆરીથી રાષ્ટ્રપતિ શાસન લાગુ હતું. સિંહના નેતૃત્વમાં એનડીએનું પ્રતિનિધિમંડળ અહીંના લોક ભવનમાં રાજ્યપાલ અજય કુમાર ભલ્લાને મળ્યું હતું અને સરકાર રચવાનો દાવો કર્યો હતો. ભલ્લાને મળેલા પ્રતિનિધિમંડળમાં કુકી પ્રભુત્વ ધરાવતા ચુરાચંદપુર અને ફેરઝૌલ જિલ્લાના બે ધારાસભ્યોનો સમાવેશ થાય છે. સિંહને મંગળવારે બીજેપી વિધાયક દળના નેતા અને ત્યારબાદ નવી દિલ્હીમાં એનડીએ વિધાયક દળના નેતા તરીકે ચૂંટવામાં આવ્યા હતા.
