સૂર્યકુમાર યાદવની આગેવાનીમાં ટીમ ઈન્ડિયાએ ટી20 વર્લ્ડ કપ 2026માં પોતાના અભિયાનની શરૂઆત જીત સાથે કરી હતી. ભારતે યુએસએ સામેની પ્રથમ મેચમાં 29 રને જીત મેળવીને ઘણા રેકોર્ડ બનાવ્યા હતા. ICC વર્લ્ડ કપમાં ભારત 100 જીત નોંધાવનારો બીજો દેશ બની ગયો છે. આઈસીસી ટૂર્નામેન્ટની એકંદર વાત કરીએ તો ટીમ ઈન્ડિયાએ ઈતિહાસ રચ્યો છે. T20 વર્લ્ડ કપ, ODI વર્લ્ડ કપ સિવાય, ટીમ ઈન્ડિયા એવી ટીમ બની ગઈ છે જેણે ચેમ્પિયન્સ ટ્રોફી અને WTC ફાઈનલ સહિત ICC ટૂર્નામેન્ટમાં સૌથી વધુ મેચ જીતી છે. ભારતે આ મામલે ઓસ્ટ્રેલિયાનો રેકોર્ડ તોડ્યો છે.
ક્રિકેટના ઈતિહાસમાં સૌથી વધુ 10 ICC ટ્રોફી જીતવાનો વર્લ્ડ રેકોર્ડ ઓસ્ટ્રેલિયાના નામે છે. અત્યાર સુધીમાં તેણે 6 ODI વર્લ્ડ કપ, 1 T20 વર્લ્ડ કપ, 2 ચેમ્પિયન્સ ટ્રોફી અને 1 WTC ટાઈટલ જીત્યા છે. તેણે ICC ટૂર્નામેન્ટમાં કુલ 122 મેચ જીતીને આ 10 ટ્રોફી જીતી છે.
7 ICC ટ્રોફી જીતનારી ટીમ ઈન્ડિયા હવે ICC ટૂર્નામેન્ટમાં સૌથી વધુ 123 મેચ જીતનારી ટીમ બની ગઈ છે. ભારત પાસે 2 ODI વર્લ્ડ કપ, 2 T20 વર્લ્ડ કપ અને 3 ચેમ્પિયન્સ ટ્રોફી જીતવાનો રેકોર્ડ છે.
