મંગળવારે ન્યૂઝીલેન્ડ સામેની મેચમાં UAEની ટીમે શાનદાર પ્રદર્શન કર્યું છે. સંયુક્ત આરબ અમીરાતે મંગળવારે ICC T20 વર્લ્ડ કપ ગ્રુપ Dની મેચમાં છ વિકેટે 173 રન બનાવ્યા હતા. સુકાની મોહમ્મદ વસીમ અને અલીશા શરાફુની અડધી સદીની ઇનિંગ્સ અને તેમની વચ્ચે બીજી વિકેટ માટે 107 રનની ભાગીદારીને કારણે UAEની ટીમ ન્યૂઝીલેન્ડ સામે આટલો મોટો સ્કોર બનાવવામાં સફળ રહી હતી. UAEની ઇનિંગ દરમિયાન ગ્લેન ફિલિપ્સે એક ઓવરમાં કુલ 27 રન બનાવ્યા અને આ સાથે જ તેના નામે એક શરમજનક રેકોર્ડ નોંધાયો છે.
UAEની ઇનિંગ્સની 18મી ઓવરમાં મયંક કુમાર અને મુહમ્મદ વસીમે ઝડપી શોટ ફટકાર્યા હતા. ગ્લેન ફિલિપ્સની આ ઓવરમાં UAEના બેટ્સમેનોએ 4 બાઉન્ડ્રી ફટકારી હતી. ફિલિપ્સની ઓવરના પહેલા બોલ પર એક રન થયો હતો. આ પછી મયંકે બીજા બોલ પર ચોગ્ગો ફટકાર્યો. ત્રીજા બોલ પર મયંકે સિક્સર ફટકારી હતી. ચોથા બોલ પર વાઈડ આવ્યો. આ પછી વસીમે આગલા બોલ પર સિક્સર ફટકારી. પાંચમા બોલ પર એક રન થયો હતો. છેલ્લા બોલ પર બે રન બન્યા હતા.
ગ્લેન ફિલિપ્સની આ ઓવર સંપૂર્ણ સભ્ય ટીમ દ્વારા સહયોગી ટીમ સામે ફેંકવામાં આવેલી સૌથી મોંઘી ઓવર બની ગઈ છે. ચેન્નાઈમાં રમાયેલી મેચમાં ગ્લેન ફિલિપ્સે 27 રન ખર્ચ્યા હતા. આ પહેલા કાયલ એબોટે 2016માં અફઘાનિસ્તાન સામે 22 રન ફટકાર્યા હતા.અમેરિકાની ટીમે તબરેઝ શમ્સી સામે 22 રન બનાવ્યા હતા. નેપાળની ટીમે જોફ્રા આર્ચર સામે 22 રન બનાવ્યા હતા.
સંયુક્ત આરબ અમીરાત (UAE) એ ICC T20 વર્લ્ડ કપ ગ્રુપ Dની મેચમાં છ વિકેટે 173 રન બનાવ્યા. ઓપનર વસીમે 45 બોલની અણનમ ઈનિંગમાં ચાર ચોગ્ગા અને ત્રણ છગ્ગા ફટકાર્યા હતા, જ્યારે શરાફુએ 47 બોલમાં પાંચ ચોગ્ગા અને બે છગ્ગા ફટકાર્યા હતા. મયંક કુમારે છેલ્લી ઓવરોમાં 13 બોલમાં બે ચોગ્ગા અને એક છગ્ગાની મદદથી 21 રન બનાવ્યા હતા. ન્યુઝીલેન્ડ તરફથી મેટ હેનરીએ અંતે બે ઓવરમાં જ્યારે જેકબ ડફી, લોકી ફર્ગ્યુસન, મિશેલ સેન્ટનર અને ગ્લેન ફિલિપ્સને એક-એક વિકેટ મળી હતી.
