ICC T20 વર્લ્ડ કપ 2026 ની 13મી મેચ આજે અમદાવાદના નરેન્દ્ર મોદી સ્ટેડિયમ ખાતે અફઘાનિસ્તાન અને દક્ષિણ આફ્રિકા વચ્ચે રમાઈ હતી. આ રોમાંચક મેચમાં પ્રથમ બેટિંગ કરતા દક્ષિણ આફ્રિકાએ નિર્ધારિત 20 ઓવરમાં 6 વિકેટ ગુમાવીને 187 રન બનાવ્યા હતા. જવાબમાં અફઘાનિસ્તાનની ટીમે 19.4 ઓવરમાં 187 રન બનાવ્યા હતા અને મેચ ડ્રો રહી હતી. હવે આ મેચનું પરિણામ સુપર ઓવરમાં નક્કી થશે…
અફઘાનિસ્તાને ટોસ જીત્યો હતો
અફઘાનિસ્તાન અને દક્ષિણ આફ્રિકા વચ્ચે રમાયેલી આ હાઈ-વોલ્ટેજ મેચમાં અફઘાનિસ્તાને ટોસ જીતીને પ્રથમ બોલિંગ કરવાનો નિર્ણય કર્યો અને તેમનો નિર્ણય સાચો સાબિત થયો. પ્રથમ બેટિંગ કરતા દક્ષિણ આફ્રિકાએ 20 ઓવરમાં 6 વિકેટ ગુમાવીને 187 રન બનાવ્યા હતા. અફઘાનિસ્તાન તરફથી અઝમતુલ્લાએ સૌથી વધુ 3 જ્યારે કેપ્ટન રાશિદ ખાને 2 વિકેટ ઝડપી હતી. દક્ષિણ આફ્રિકાએ આપેલા લક્ષ્યનો પીછો કરવા ઉતરેલી અફઘાનિસ્તાને શાનદાર શરૂઆત કરી હતી. ગુરબાઝે 84 રનની ઇનિંગ રમીને ટીમને મજબૂત શરૂઆત અપાવી હતી.
