જ્વેલરી સેક્ટરમાં સ્મોલ કેપ કંપની,મોટિસન્સ જ્વેલર્સ લિ શેરમાં આજે લગભગ 3 ટકાનો વધારો જોવા મળી રહ્યો છે. કંપની દ્વારા મંગળવારે જાહેર કરાયેલા ડિસેમ્બર ક્વાર્ટર (Q3FY26)ના પરિણામો બાદ શેરમાં આ વધારો થયો છે.
સ્ટોકનો 52 સપ્તાહનો સૌથી ઊંચો ભાવ રૂ. 24.01 છે, જે શેરે 8 જુલાઈ, 2025ના રોજ બનાવ્યો હતો અને તેનો 52 સપ્તાહનો નીચો ભાવ રૂ. 10.63 છે, જે શેરે 27 જાન્યુઆરી, 2026ના રોજ બનાવ્યો હતો.
Motisons JewellersQ3FY26 પરિણામો
મોટિસન જ્વેલર્સનો ચોખ્ખો નફો ડિસેમ્બર 2025 ના રોજ પૂરા થયેલા ક્વાર્ટરમાં 69.54% વધીને ₹25.94 કરોડ થયો છે જે ગયા વર્ષના સમાન ક્વાર્ટરમાં ₹15.30 કરોડ હતો (ડિસેમ્બર 2024).
વધુમાં, કંપનીનું વેચાણ પણ ડિસેમ્બર 2024ના સમાન ક્વાર્ટરમાં ₹145.30 કરોડની સરખામણીએ ડિસેમ્બર 2025ના ક્વાર્ટરમાં 20.14% વધીને ₹174.56 કરોડ થયું હતું.
મોટિસન્સ જ્વેલર્સ વિશે
કંપનીની વેબસાઈટ પરથી પ્રાપ્ત માહિતી અનુસાર, મોટિસન જ્વેલર્સ લિમિટેડ જયપુરના બિઝનેસ જગતમાં સ્થાપિત નામ છે. કંપનીએ વર્ષ 1998 માં જ્વેલર તરીકે તેના જીવનની શરૂઆત કરી અને ટૂંક સમયમાં જ જયપુરમાં જ નહીં પરંતુ સમગ્ર દેશમાં એક જાણીતી બ્રાન્ડ તરીકે ઉભરી આવી. કંપની તેના વૈભવી અને આકર્ષક જ્વેલરી મેન્યુફેક્ચરિંગ માટે જાણીતી છે, જેના કારણે તેને દેશભરમાં ખાસ ઓળખ મળી છે.
કંપની સોના, હીરા, કુંદન, મોતી, ચાંદી અને પ્લેટિનમ જ્વેલરીનું વિશાળ કલેક્શન ઓફર કરે છે. કંપની પાસે 3 લાખથી વધુ ડિઝાઇન ઉપલબ્ધ છે, જેમાં પરંપરાગત, આધુનિક અને ફ્યુઝન સ્ટાઇલ જ્વેલરીનો સમાવેશ થાય છે.
