(પ્રતિનિધિ) અમદાવાદ, સી.એન.સી.ડી.વિભાગ સંચાલિત કરૂણામંદિર માં ગાય ના છાણામાંથી બનેલ સ્ટીક,છાણા,પૂજા માટેની સાધન સામગ્રી, ખાતર વિગેરે સાથે તૈયાર કરેલ વૈદિક હોળીની કીટને અપનાવી હોલિકા દહન કરી”ECO FRIENDLY”હોળીની શહેરમાં ઉજવણી કરવાની અમદાવાદ મ્યુનિસિપલ કોર્પોરેશન ના પર્યાવરણ ની જાળવણી કરવાના અભિયાનને અમદાવાદીઓનો જબરદસ્ત પ્રતિસાદ સાંપડેલ છે.
સી.એન.સી.ડી.વિભાગ માં ઉપલબ્ધ કીટની મયૉદામાં શહેરમાં ૧૫૧ સ્થળોએ સી.એન.સી.ડી.વિભાગ ની ટીમો દ્રારા જે તે સ્થળ પર શહેરીજનોને વૈદિક હોળીની કીટ પુરી પાડવામાં આવેલ છે.જેની નાગરિકો એ પ્રશંસા કરેલ.
જેમ સી.એન.સી.ડી.ખાતાનુ પીળા કલરનુ ટ્રેક્ટર ટ્રેલર રખડતા પશુ પકડવાનુ સાધનની સાથે સાથે વૈદિક હોળીની કીટ નાગરિકો સુધી પહોંચાડવાનુ માધ્યમ બનેલ છે.તેમ એસ્ટેટ ખાતાની છીંકણી કલરની દબાણ હટાવવાની દબાણો દુર કરવાના સાધન ની સાથે સાથે વૈદિક હોળી ની કીટ અમદાવાદીઓને ઘર આગંણે પુરા પાડવાનુ માધ્યમ બની ગયેલ. જેના ધ્વારા અમદાવાદીઓને અમદાવાદ મ્યુનિસિપલ કોર્પોરેશનની કામગીરી સાથે કનેક્ટ કરવાનુ મિશન પણ હાંસલ કરેલ છે.
વૈદિક હોળીની ઉજવણીના ફોટો/વિડિયો સી.એન.સી.ડી.વિભાગ ના નિયત નંબર ૮૭૫૮૩૨૧૭૫૬ તથા વોટ્સઅપ ગ્રુપ “VEDIK HOLI 2026 AMDAVAD”માં શેર કરવા નાગરિકોને અપીલ કરવામાં આવે છે.વૈદિક હોળીની ઉજવણી બાદની રાખ જે વેસ્ટ માંથી બેસ્ટ બનાવવા લીંબુ,નારંગી,મોસંબી,વિગેરેના છોતરા જે વેસ્ટ છે તેનો ઉપયોગ કરી આર્ગેનિક સાબુ શહેરીજનો માટે બનાવવાનો પાયલોટ પ્રોજેક્ટ પણ એક સપ્તાહ માં શરુ થનાર છે.
વૈદિક હોળી ની ઉજવણી ની કીટ ને સોસાયટી, ચાલી,ફ્લેટ, ટેનામેન્ટ, CBO, શૈક્ષણિક, સામાજીક સંસ્થાઓએ, મોટા ધામિઁક સંસ્થાનોએ અપનાવી “પર્યાવરણ ની જાળવણી” અભિયાન ને સાકાર કરવાની તૈયારી દર્શાવેલ છે
ધાર્મિક સંસ્થાનોની વૈદિક હોળી
નાગરવેલ હનુમાન, કર્ણમુકતેશ્ર્વર મહાદેવ, ચકુડિયા મહાદેવ, જોગણીમાતા મદિર, રાણી સતી મદિંર, જગન્નાથ મંદિર, સોમનાથ મંદિર, ભદ્રકાળી મંદિર, મહાકાળી મંદિર, મહાલક્ષ્મી મંદિર, કામનાથ મહાદેવ મંદિર, બહુચરાજી મંદિર, જલારામ મંદિર, સ્વામી નારાયણ સંસ્થાન, સમર્થેશ્ર્વર મહાદેવ મંદિર.
અમદાવાદીઓ દ્વારા અમદાવાદ શહેરમાં વૈદિક હોળીની ભવ્ય ઉજવણી કરાશે: હોળી પર્વમાં હોલિકા દહનમાં વપરાતા લાકડાનો વપરાશ ઘટાડી સીએનસીડી વિભાગ સંચાલિત ગૌ-શાળા /કરૂણામંદિરમાં ગાયના છાણમાંથી બનાવેલ સ્ટીક / ટીક્કી વિગેરે છાણની પ્રોડકટ્સનો ઉપયોગ વધારવાની અમદાવાદ મ્યુનિ.કોર્પોરેશનની નવીનતમ્ પહેલને અપનાવી એક સપ્તાહમાં 101 કીટની તૈયારી સામે 111 અમદાવાદીઓ દ્વારા રૂા. 2500/-નું ટોકન ઓનલાઈન ગૌ-સેવા ડોનેશન એમ રૂા. 2,77, 500/- અર્પણ કરી વૈદિક હોળીની કીટ દ્વારા વૈદિક હોળીની ઉજવણી કરીને લાકડાની બચત કરી, વૃક્ષો કપાતા અટકાવી પર્યાવરણ જાળવણીની દિશામાં આગળ વધવાની કટિબદ્ધતા દર્શાવી છે. શહેરમાં 111સ્થળો પર વૈદિક હોળીની કીટ હોળીના બે દિવસ અગાઉ જે-તે સ્થળો પર સુપ્રત કરવા સીએનસીડી વિભાગની ટીમે સંપૂર્ણ તૈયારીઓ કરી દીધી હતી.
