સલમાન ખાને તેની આગામી ફિલ્મ માતૃભૂમિની ચર્ચા વચ્ચે તેની આગામી ફિલ્મની પણ જાહેરાત કરી છે. સલમાન ખાનની આ આગામી ફિલ્મ એક પાન ઈન્ડિયા ફિલ્મ હશે. ફિલ્મની જાહેરાત બાદ સલમાન ખાનના ફેન્સ ખૂબ જ ઉત્સાહિત છે. ચાહકોના આ ઉત્સાહની વચ્ચે સલમાન ખાનની અભિનેત્રીની પણ જાહેરાત કરવામાં આવી છે. આ ફિલ્મમાં સાઉથમાં લેડી સુપરસ્ટાર તરીકે જાણીતી નયનથારા સલમાન ખાન સાથે જોવા મળશે. નયનતારા બોલિવૂડના કિંગ શાહરૂખ ખાન સાથે ફિલ્મ જવાનમાં જોવા મળી છે.
લેડી સુપરસ્ટાર નયનતારા સલમાન ખાનની હિરોઈન
સલમાન ખાનની આ ફિલ્મનું નિર્દેશન વામશી પેડીપલ્લી કરશે. હવે આ ફિલ્મના નિર્માતા શ્રી વેંકટેશ્વર ક્રિએશને નયનતારાના નામની મુખ્ય મહિલા તરીકે જાહેરાત કરી છે. મેકર્સે ઓફિશિયલ ઈન્સ્ટાગ્રામ હેન્ડલ પરથી લખ્યું છે કે, ‘અમારા માટે ખૂબ જ સન્માનની વાત છે કે તમે એક વાસ્તવિક સ્પેશિયલ પ્રોજેક્ટ માટે અમારી સાથે જોડાયા છો’. આ સાથે મેકર્સે નયનથારા અને સલમાનની એક તસવીર પણ શેર કરી છે.
