હિમાચલ રોડ ટ્રાન્સપોર્ટ કોર્પોરેશન (HRTC)ની એક જર્જરિત બસનો એક ચોંકાવનારો વીડિયો વાયરલ થઈ રહ્યો છે. જેમાં ડ્રાઈવર છત પરથી ટપકતા વરસાદી પાણીથી પોતાને બચાવવા માટે છત્રી સાથે બસ ચલાવતો જોવા મળે છે.
હિમાચલ પ્રદેશમાં ચંબા-હોળી રૂટ પર જર્જરિત HRTC બસનો એક વીડિયો વાયરલ થયો છે, જેમાં ડ્રાઇવર છત પરથી ટપકતા વરસાદના પાણીથી પોતાને બચાવવા માટે છત્રી સાથે બસ ચલાવી રહ્યો છે. ભારે વરસાદ વચ્ચે બસની છત પરથી પાણી ટપકતું હોવાને કારણે ડ્રાઈવર એક હાથમાં છત્રી પકડીને બીજા હાથે બસનું સ્ટિયરિંગ સંભાળતો જોવા મળે છે. આ વાયરલ વીડિયો પર લોકો વિવિધ પ્રકારની પ્રતિક્રિયાઓ આપી રહ્યા છે. યુઝર્સે આને મુસાફરોની સુરક્ષા સાથે મજાક ગણાવી સરકાર અને કોર્પોરેશન મેનેજમેન્ટની કામગીરી પર સવાલો ઉઠાવ્યા છે.
