એશિયામાં એક પછી એક ભૂકંપ આવ્યા બાદ અનેક દેશોમાં વિનાશકારી વાવાઝોડાની ચેતવણી જારી કરવામાં આવી છે. ભૂટાન અને ભારતના ભાગોમાં રવિવારે મોડી રાત્રે અનુભવાયા બાદ હવે એશિયાના અન્ય એક દેશમાં સવારે ભૂકંપ આવ્યો છે. દક્ષિણ-પૂર્વ એશિયાઈ દેશ ફિલિપાઈન્સના દક્ષિણ ભાગમાં સોમવારે સવારે ખૂબ જ મજબૂત ભૂકંપના આંચકા અનુભવાયા હતા. આ ભૂકંપની તીવ્રતા રિક્ટર સ્કેલ પર 8.2 માપવામાં આવી છે.
મળતી માહિતી મુજબ, ભૂકંપનું કેન્દ્ર ફિલિપાઈન્સના મિંડાનાઓ ટાપુ પાસે હતું. આ શક્તિશાળી ભૂકંપ બાદ તરત જ ફિલિપાઈન્સ, ઈન્ડોનેશિયા અને જાપાન સહિત એશિયાના ઘણા દરિયાકાંઠાના વિસ્તારોમાં સુનામીની હાઈ એલર્ટ ચેતવણી જારી કરવામાં આવી છે. યુનાઇટેડ સ્ટેટ્સ જિયોલોજિકલ સર્વે (યુએસજીએસ) અને જર્મન રિસર્ચ સેન્ટર ફોર જીઓસાયન્સિસ (જીએફઝેડ) અનુસાર, ભૂકંપ સ્થાનિક સમય અનુસાર સવારે 7:40 વાગ્યે આવ્યો હતો.
